Sant Loís (Saint-Louis-de-Parahou segon l'abat Sabarthès)
Las fòrmas ancianas son La Bastide de Sainct Louis, en 1301-1639, Sainct Louis, nouvellement construit, en 1301-1639, in loco Sancti Ludovici, en 1371, Sainct Louys en 1594, Saint Louis en 1781 [1]. Sant Loís es lo nom de mai d'un sant, dont Loís IX de França (probablament aqueste, per un vilatge bastit novèlament), un avesque de Tolosa al sègle XIV [2].
Paraon (Parahou-Grand)
Las fòrmas ancianas son Grangia de Paraone, en 1255, Honor de Paraone, en 1259, Parahou, vingt-deux maisons bien basties, en 1594, La grange de Paraou, en 1639, Parau, sus la mapa de Cassini, a la fin del sègle XVIII, Parahou, commune réunie à Saint-Louis, en 1807, Parahou-Grand (sègles XIX-XX) [3]. Una fòrma en iatus es improbabla a data recenta e lo nom es probablament *Parau; la fòrma de 1639 se pòt ja legir [pa'raw] coma [para'u]. Lo nom d'origina deviá èsser *Para(consonanta amudida)one-, mes ni Dauzat e Rostaing, nimai los Féniés, nimai Delamarre dison pas res d'aquel nom. I a un fum de noms gallics d'òmes e d'objèctes en para- e per exemple pario- nos donèt pairòl, tanben latins d'origina grèga, mes sembla malaisit de donar una explicacion.
Parahou-Petit
Lo nom es atestat Petit Parau sus la mapa de Cassini, a la fin del sègle XVIII [3]. Véser Paraon.
Istòria
Entre 1790 e 1794, Paraon e Sant Loís foguèron amassats coma comuna [4].
A la refòrma cantonala de 2014, aplicada en 2015, la comuna, qu'èra del canton de Quilhan, i demorèt. Tornèron batejar lo canton Canton de la Val Nauta d'Aude (traduccion) per decret del 27 de decembre 2015.
.svg)
.svg){kind=small}
