Las fòrmas anciennes son : Resciacum en 870, Villa Crexagum = Rexagum, in comitatu Carcassensi en 912, Raxiachum en 1246, Raisiachum en 1255, Villa de Raissaco..., de Raissacho en 1262, Decimale Beati Michaelis de Rexiaco en 1269, Rassacum en 1319, Raysacum en 1347, Villa seu locus de Rexiaco en 1366, Raissac en 1781. La prononciacion occitana es Raisác[2], dins la grafia de l'abat Antòni Savartés, donc [raj'sak].
Lo sufixe gallic -āco(n), latinizat en -acum, pausa pas de problèmas. Los toponimistas l'associan a un nom d'òme. Dauzat seguís Petar Skok que i vei un nom gallic Rixa[3] e los Féniés postulan Riccius[4]. Per Raiçac (Tarn), Negre utiliza los noms gallics Riccius o Recius[5]. Per l'ensemble dels Raissac/Raiçac, las fòrmas ancianas (Rexaco per Raissac d'Aude) mòstran que lo nom a desvolopat un -a- qu'es pas etimologic, probablament en passant per *Rei-.
Segon Delamarre, Raissac èra ricciācon, la proprietat de Riccios (latinizat en Riccius), interpretable siá coma una geminacion expressiva de *rīg- « rei », siá e pus probablament aparentat al gallic rhech « pet » (de l'indoeuropèu *prd-kā); Ricc-io-s seriá un petaire, un bofon, un palhassa dins aquel cas e non pas un « reial » (i a un bofon petaire nommat bragetoir en irlandés) [6].
Istòria
Aquesta seccion es voida, pas pro detalhada o incompleta. Vòstra ajuda es benvenguda !
Abans la refòrma cantonala de 2014, aplicada en 2015, la comuna èra del canton d'Alzona; es ara del canton de Montreal, vengut en 2016 de la Malapèira a la Montanha Negra.
.svg)
.svg){kind=small}
