Las fòrmas ancianas son : Villa de Pesings en 1221, Apud Pizinchum en 1245, Pesins en 1245, Castrum de Pezinchis en 1253, Pesinchum en 1262, Decimarium Beati Johannis de Pesenchis en 1269, De Pysinchis en 1329, Pesenx en 1340-41, Locus de Pezinchis en 1377, De Pisinchis en 1411, Voisins en 1774, Pezens ou Voisins en 1781 [1].
Lo nom es escrit Voizins en gròssas letras dretas sus la mapa de Cassini, ambe Pezens en petitas letras e en italicas [2]; oficialament lo nom de la comuna es escrit Pezens et Alzau, puèi Voisins en 1801; enfin, en 1831, lo nom oficial tornèt a Pezens[3]. Aquela dualitat de noms s'explica perqué Pesens foguèt erigit en baroniá al benefici de la famille de Voisins [4].
Dauzat e Rostaing explican Pesens per un nom gallic d'òme Pisius ambe'l sufixe -ing[5]. Los Féniés utilizan lo nom germanic Pezzo ambe'l sufixe -ingos (doncas lo meteis sufixe) [6]; en general, un nom germanic es pus acostumat ambe un sufixe germanic.
Alzau
Las fòrmas ancianas son : Helesau en 870, Villare quae dicitur Elisau, quae alio nomine villa Fedosii en 888, Villare quod vocatur Alzau en 898, Villare cujus vocabulum est Villa Fedosi, quae alium nomen vocatur Elsau en 918, Villa quae vocatur Fedos, cum ecclesia Sanctae Mariae en 950, Alsau en 1118, Alsavum en 1203, Ecclesia ruralis Beatae Mariae de Alsavo en 1269, Alzavum en 1544, Esglise Nostre Dame en 1641, Notre Dame (cadastre, près del molin d'Alzau) [7].
Lo sufixe gallic -āvo-/-avo- pòt convenir [8]. Coma las atestacions pus ancianas son en El-, le radical es benlèu de tipe *Elusa-, *Elusio-[9].
Alzau (Alsau en 1146, Alzavum en 1308, Cum reco d'Alzau en 1508)[7] es tanben una aiga. Segon la mapa, passa pas a Alzau; s'acampa ambe Dura per formar Rojana, lo riu d'Alzau, a Montoliu. En realitat Rojana seriá un autre nom d'Alzau, çò que lèva la dificultat.
Istòria
Pesens èra una baroniá erigida en 1670, ambe dreit de dintrada als Estats de Lengadòc, al profièit de la familha de Voisins, que donèt son nom a la vila. La glèisa parroquiala de Pesens es dedicada a sant Joan Baptista. Pesens dependiá de la senescalciá de Carcassona [1].
Alzau es un castèl modèrne e un ostal, lo castèl primitiu foguèt rasat en 1632. Alzau èra tanben un priorat del vocable de la Verge, possession de l'abadiá de Montoliu, puèi unit al capítol Sant Nazari de Carcassona [7].
Entre 1790 e 1794, Alzau (nom francés) foguèt annexat a Pesens [10]. Alzau es situat a l'oèst de Pesens.
Abans la refòrma cantonala de 2014, aplicada en 2015, la comuna èra del canton d'Alzona; es ara del canton de Montreal, que tornèron nommar De la Malapera a la Montanha Negra (Malapera segon MaloperoAntòni Savartés) .
↑Itinéraire descriptif de la France : Région du Sud, routes de Paris à Narbonne, par Jean Vaysse de Villiers, chez Jules Renouard, à Paris, 1835, p. 48-49
↑Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 529
↑Bénédicte Boyrie-Fénié, Jean-Jacques Fénié, Toponymie des Pays Occitans, edicions Sud-Ouest, 2007, p. 183
.svg)
.svg){kind=small}
