Las fòrmas ancianas son Villa Ladimanellum, cum ecclesia, en latin, en 1162, Castrum de Ladenano, en latin, en 1232, Villa de Lediniano Inferiori, en latin, en 1234, Capella de Ledinhano Inferiori, en latin, en 1299, Castrum de Ledinhano supra Limosum, en latin, en 1494, Ladinham d'Aval, en 1571, Ledignan d'Avail, en 1594, Ladinha d'Aval, en 1594, Ladignan le Bas, en 1639, La Digne d'en Bas, en 1706. La prononciacion es Ladigno-Básso (grafia de l'abat Sabarthès) [1], doncas normalament [la'diɲɔ 'basɔ]. Ladinha ven del nom latin d'òme Latinius, ambe sufixe [-anum e pas -ana, coma escriu Dauzat, malgrat la fòrma de 959]. L'accent a reculat coma sovent dins la region [2]; l'accent de *Ladinhana auriá pas poscut recular, lo de Ladinhan si. La fòrma Ladinha d'Aval(h) a probablament existit dins la lenga orala, perqué l'escriba auriá pas inventada la fòrma Avail (Avalh, identic a Avall catalan, fenomèn que son isoglòssa a reculat).
Abans la refòrma cantonala de 2014, aplicada en 2015, la comuna èra del canton de Limós; es ara del canton de la Région-Limouxine (en francés), donc de la Region Limosenca.
.jpg)
.svg)
.svg){kind=small}
