Las fòrmas ancianas son : Alodes de Aspirago, sive de illa Fagia en 960, Ecclesia de Fageria en 1296, De Fagia en 1318, Églize de Lafage, dédiée à saint Antoine, érémite en 1738-1748, La Fage en 1781. La prononciacion occitana es Lafájo[1], dins la grafia de l'abat Antòni Savartés, donc [la'faʒɔ].
La Faja ven del latin fagea, es un lòc ont i a de faus[2],[3]. *Aspirac, la proprietat d'Asperius (nom latin d'òme)[4],[5], èra le nom d'un alòdi donat per Ug, avesque de Tolosa, al capítol de Sant Estève d'aquela vila; correspond a las comunas de La Faja e de Vilauton[6]. Es una localitat despareguda, o qu'a cambiat de nom.
Sant Martin d'*Aspirac es una anciana glèisa que serviguèt de centre parroquial a las doás comunas actualas : Ecclesia in honore sancti Martini in Aspirago..., Aspirago sive de illa Fagia en 960 [7]. Aspirac seriá La Faja o un autre lòc prèp ?
Les Cazazils
Le nom es atestat sonque en 1319, Locus de Casalibus[8], çò que sembla representar *Casals, mes i a dins la comuna de Fèstas e Sant Andrieu, un ancian Cazaziels (grafia Savartés), atestat Casalils en 1286. Un Casasils es subjècte a la dissimilacion. Quina es la prononciacion ?
Istòria
Entre 1790 e 1794, Cazazils (nom francés) foguèt incorporat a La Faja [9]. Le vilatge es al sud-sud-èst de La Faja.
.svg)
.svg){kind=small}
