Las fòrmas ancianas son : In loco apellat Linhayrolis en 1265, Bastida nova de Lynairollis en 1269, Linarolae en 1271, Linayrolae en 1302, Linyairolles..., Lingairolles en 1389-1589, Lignieirolles en 1672, Ligneroles, Legneroles en 1639, Lignerolles en 1781, Lignayrolles en 1807. La prononciacion occitana es Lignairólos[1], dins la grafia de l'abat Antòni Savartés, donc [liɲai'ɾɔlɔs].
Lo nom ven de linarium, Linaria, « lòc, camp ont lo lin se cultiva », ambe'l sufixe [en teoria] diminutiu -ola[2],[3]; lo sens general seriá de « lòc ont i a de linièras (linals), de camps de lin », coma los Orsairòlas son de lòcs poblats pels orses : quina es la valor diminutiva que lo sufixe supausa, dins aquelis noms ? la pichonetat dels lòcs, benlèu.
Abans la refòrma cantonala de 2014, aplicada en 2015, la comuna èra del canton d'Alanha; es ara del canton de La Piège-au-Razès (en francés), que se disiá de Bram abans lo 1èr de genièr 2016.
.svg){kind=small}
