Coisan es situada dins la nauta val d'Aude sul Sals a 16 km de Limós e a 13 km de Quilhan. Es a ras del vilatge de Montasèls, separats per Aude e de la pichona vila d’Esperasan.
Las atestacions ancianas son : Couzanum en 1231; Coinsanum = Couisanum en 1320; Couizanum en 1347; Couissanum en 1377; Couissan en 1503-1587; Couyzan en 1571; Couysan, Couizan en 1589-1591; Couisan…, Couisa en 1594; Couvizan, Couviza en 1594; Couyza en 1620; Couiza en 1781[2][3]. Coisan vendriá del nom latin d'òme Cupitius (e pas exactament Cupitus[4]) ambe'l sufixe -anum. Véser un ostal de Palairac nomenat Couize en francés e citat en 842 Cubizanum[5].
Abans la refòrma cantonala de 2014, aplicada en 2015, la comuna èra del canton de Coisan (caplòc); es ara del canton de de La Val Nauta d'Aude (Quilhan).
Dins lo país catar, prèp de la famosa Rènnas del Castèl, lòc de recits esoterics e de legendas, i a lo castèl dels ducs de Joiosa. Joan de Joiosa, Cambrièr e Conetable de França, primièr governador de Narbona e luòctenent general en Lenguedòc faguèt bastir lo magnific ostal entre 1540 e 1550. Son filh Guilhèm III contunhèt las òbras. Lo castèl patiguèt un sèti en 1577 pendent la guèrras de religion entre protestants e catolics. Longtemps abandononat, puèi transformat en usina de tintas, abans d'èsser un centre de formacion agricòla. Lo mur exterior medieval, bordat de quatre torres, fa contrast amb la cort interiora d'estil de la Renaissença. Lo castèl es uèi vengut una ostelria.
↑Bénédicte Boyrie-Fénié, Jean-Jacques Fénié, Toponymie des Pays Occitans, edicions Sud-Ouest, 2007, p. 124
↑Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 215, a Coubisou
↑(fr)Robert Debant - Le château de Couiza - pp.160-168, dans Congrès archéologique de France. 131en session. Pays de l'Aude. 1973 - Société Française d'Archéologie - Paris - 1973
.jpg)
.svg)
.svg){kind=small}
