Las atestacions ancianas son : Vilaciscla en 1212; La dismerie de Nostre Dame de Villesiscle en 1293; Decimarium Beate Marie de Villa Cisclo, …Villacisculum en 1315; Villa de Villesciscle en 1317; Villasiscla en 1344; Beata Maria de Villasisculo en 1347; Prioratus secularis et sine cura Beate Marie de Villacisculo en 1479; Villesische en 1494; Villecycle en 1565; Ecclesia Sancte Marie de Villa Asculo al sègle XV; Rectoria de Villesiscle sub invocatione beatae Mariae Virginis en 1637; Ecclesia parochialis Sancti Antonii, alias Beatae Mariae de Villesiscle en 1639; Villasiscle en 1640; Ecclesia Sancti Antonii de Villesiscle en 1646; Saint Antoine de Lamotte Villesiscle en 1686; La Mothe en 1711; Villesiscle en 1744; La Motte en 1912 (en francés, del nom del castèl, segon l'abat Savartés)[5][4]. Villa designa las grandas proprietats ruralas a partir del sègle IV, puèi pren pauc a pauc lo sens de « vilatge ». Lo nom Vilasiscla es completat per un determinant escur; un derivat del vèrbe sisclar es improbable [6]. La Mòta presenta pas de dificultats : lo bas latin motta, probablament prelatin, en toponimia « autura », puèi lèu « tap natural o artificial subremontat d'un castèl » e per extension nom del castèl [7].
N.B Lo mot mota, trobat al sègle VII en Bigòrra per Virgilius Maro Grammaticus dins lo lexic d'una lenga dita semedia, es identificat ambe'l prelatin *motta per Joan Glaudi Dinguirard.
.svg){kind=small}
