Las fòrmas ancianas son : Masubium en 1326, Locus de Masubie en 1368, Mazubium en 1493, Mazubi en 1594, Madubye en 1111-1639, Mazubiou en 1317-1639, Mazabiou en 1254-1639, Madubios en 1037-1639, Madubiou en 1639, Mansubi en 1721, Masubi en 1781. La prononciacion occitana es Mazúbi[1], dins la grafia de l'abat Antòni Savartés, donc [ma'ʒyβi].
Ni Dauzat e Rostaing, nimai los Féniés dison pas res de Masubi. Lo primièr element sembla en aparéncia mas (del latin mansus), s'es pas una atraccion paronimica, mès coma lo vilatge tresplomba un riu sense importància, lo segond element pòt pas èsser lo basque ibi, « ga », coma benlèu per Ibi.
I a un pòrt d'Ubi en direccion d' Espesèlh sus un ancian camin. Ubi explica probablament Masubi, mès que representa Ubi ? Quin es lo rapòrt entre Ubi, que sembla pas èsser un lòc actual, e lo castèl de Niòrt ? Lo diccionari topografic de l'abat Savartés, p. 456, non dona cap explicacion o fòrma anciana sus Ubi.
.svg)
.svg){kind=small}
