Las fòrmas ancianas son : La Serra en 1239, Serra en 1252, In villa de Scerra en 1307, Serra en 1314, Lieu et terrouer de Seira en 1385, Laserre en 1552, La Sere en 1594, La Serre en 1594. Depuis 1239, la cura èra unida al monastèri de Prolha. La prononciacion occitana es La Sèrro[1], dins la grafia de l'abat Antòni Savartés, donc [la'sɛrɔ].
En 1933, Lasserre (nom francés) venguèt oficialament Lasserre-de-Prouille[2]. Lo nom s'explica perqué lo vilatge es sus una sèrra, pas plan nauta en realitat. Veire los resultats pels autres Sèrra, Sèrras o La Sèrra[3]. Prolha es una abadiá situada prèp de Fanjaus (veire l'origina del nom dins l'article correspondent).
Tonens
Las fòrmas ancianas son : Tolnengus en 993 (o 943 ?), Alos qui dicitur Tonnengus en 959, In Tonencos en 1049-1050, Ecclesia Sancti Stephani de Tonencos en 1114, Tonencs en 1167, Conencs = Tonencs en 1194, Tonens en 1218, Tonenci en 1242, Tonenx en 1258, Sanctus Stephanus de Tonenchis en 1307, Rector de Tonenchis et Serra en 1351, Locus de Tonenchis, patrie Reddesii et officialatus Limosi en 1518, Thonens en 1552, Thounens en 1594, Tonnenx en 1594, Tonnens en 1639, Touneins en 1647, Tounens, chapelle en 1706 [4]. Tonens es omonime de la vila agenesa e l'origina es probablament semblabla. Citem, de l'article consacrat a Tonens : « Ernèst Negre dins sa Toponymie générale de la France..., del nom de persona visigotic Tunno amb sufixe germanic al datiu-locatiu plural -ingen romanizat en -ingos, que significava a las tèrras, o a la gent de Tunno ».
Istòria
Entre 1790 e 1794, Tonnens foguèt annexat a La Sèrra [5]. Tonens èra una anciana comunautat, un ancian priorat unit al monastèri de Prolha, del vocable de Sant Estève [4].
Ara, sembla que i aja pas mai de vilatge del nom de Tonens, mès lo nom es sus la mapa a l'èst de la comuna, en direccion de Vilanòva de Montreal[6].
Abans la refòrma cantonala de 2014, aplicada en 2015, la comuna èra del canton d'Alanha; es ara del canton de La Piège-au-Razès (en francés), que se disiá de Bram abans lo 1èr de genièr 2016.
.svg)
.svg){kind=small}
