Klas GH Garratt-stoomlokomotief

Suid-Afrikaanse Klas GH 4-6-2+2-6-4

'n Klas GH te Monumentstasie, Kaapstad; om en by 1930
Tipe en oorsprong
Kragtipe Stoom
Ontwerper Maffei
Vervaardiger Maffei
Serienommer 5687-5688 [1]
Model Klas GH
Klas Klas GH
Vervaardig 1928
Aantal gebou 2
Bouspesifikasies
Konfigurasie 4-6-2+2-6-4 "Double Pacific" Union Garratt
Spoorbreedte Kaapspoor
Voorwielomtrek 762 mm (30 dm)
Dryfwielomtrek 1 520 mm (60 dm)
Agterwielomtrek 762 mm (30 dm)
Wielbasis Totaal: 23.343 m
Enjins:
3.277 m gekoppel
7.671 m in totaal
Lengte 25.908 m
Hoogte 3.948 m
Raamwerk Staafraam, 12.052 m tussen spilpunte
Asbelasting 18.4 t op die 1ste en 3de dryfwiele
Massa op dryfwiele 109.2 t
Lokomotiefmassa 138.2 t leeg
187.7 t gelaai
Aandrywing
Brandstof Steenkool
Brandstofkapasiteit 13.7 t
Waterkapasiteit 16 600 ℓ voor
10 700 ℓ onderbuik
Stoomketel 2.108 m binnemaat
4.166 m binnelengte
Stoomketeldruk 1 240 kPa
Vuurroosteroppervlak 5.574 m2
195 buise van 57,1 mm
43 buise van 140 mm
2.323 m2
– Vuurkas 19.881 m2
246.658 m2
Oorverhitteroppervlak 61.781 m2
Silinders Vier
Silindergrootte 495 mm (19½ dm) boor, 660 mm (26 dm) slag [2]
Klepwerk Walschaerts [2][3]
Werkverrigting
Trekkrag 197.9 kN teen 75% keteldruk
Diensgeskiedenis
Gebruiker Suid-Afrikaanse Spoorweë
Aantal in klas 2
Vlootnommer(s) 2320-2321
Afleweringsdatum 1928
Eerste tog 1928
Onttrekkingsdatum 1958

Die Klas GH Garratt is 'n tipe stoomlokomotief van die Suid-Afrikaanse Spoorweë-era. In 1928 het die Suid-Afrikaanse Spoorweë twee Klas GH 4-6-2+2-6-4 "Double Pacific"-tipe passasiersweergawes van die Klas U Unie Garrattstoomlokomotief in diens geplaas. [1][2][3]

Vervaardiger

Die Klas GH, 'n swaar passasiersweergawe van die Klas U Unie Garratt, is ontwerp en gebou deur Maffei in München, Duitsland vir die Suid-Afrikaanse Spoorweë. Twee lokomotiewe is gelewer in 1928, genommer 2320 en 2321, en is by die Soutrivierwerke in Kaapstad in diens gestel. Hulle was verhit en het Walschaerts-klepratwerk en staaframe gehad. [2][3]

Dit word vermoed dat, indien dieselfde klassifikasiepraktyk as vir die Garratt en Mallet lokomotiewe gevolg is, dat die Klas U en die Klas GH moes aangewys gewees het as Klas UA en Klas UB onderskeidelik.[4]

Die feit is dat tydens die ontwerpfase van die twee Unie Garratt tipes, hulle aangewese klassifikasieletters in die gereelde Garrattreeks was as Klas GH en GJ. Toe bestellings by die vervaardigers geplaas is, het hulle die klasaanwysing van die Klas GH behou, terwyl dié van die Klas GJ 2-6-2 + 2-6-2 "Double Prairie"-tipe verander is na Klas U Unie Garratt.

Eienskappe

Die Klas GH was 'n gemengde lokomotief, deels Gewysigde Fairlie en deels Garratt. Die voorkant van die lokomotief was van 'n tipiese Garrattuitleg, met 'n watertenk gemonteer op die voorste enjineenheid se raam, terwyl die agterkant gebou is in die Gewysigde Fairlie-styl, met die steenkoolbunker gemonteer op 'n stewige verlenging van die lokomotief se hoofraam, en met die draaibare agterste enjineenheid onder die groot steenkoolbunker geplaas.[1][3]

Aangesien die agterste bunker slegs steenkool gedra het, het 'n bykomende groot onderbuikwatertenk (onder die ketel) vergoed vir die verminderde waterkapasiteit van die kolewa.[3]

Al sy water is in die voorste bunkertenk en die onderbuikwatertenk gedra, met 'n gesamentlike kapasiteit van 27 000 liter, terwyl die agterste bunker 'n steenkoolkapasiteit van 14 ton gehad het. Die hoofraam het daarom die rookkas, stoomketel, vuuroond, bemanningskajuit, steenkoolbunker, sowel as die onderbuikwatertenk gehuisves.[1]

Dit was groot en kragtige lokomotiewe en aangesien hulle ontwerp is vir passasiersdiens, is hulle vir spoed gebou met hul groot 1520 mm (60 duim) dryfwiele. Om hul 5.574 vk. meter vuuroonde van brandstof te voorsien, is hulle toegerus met meganiese stokers van die duplekstipe. Een van die redes vir die konstruksie van die agterkant van die Unie Garratts op die gewysigde Fairlie-beginsel was vir hul steenkoolbunkers om in 'n reguit lyn met hul vuuroonde te wees, 'n noodsaaklikheid vir die installering van meganiese stokers.[1]

Eksterne skakels

Verwysings

  1. ↑ 1,0 1,1 1,2 1,3 1,4 Holland, D.F. (1972). Steam Locomotives of the South African Railways, Volume 2: 1910-1955 (1st ed.). Newton Abbott, Devon: David & Charles. pp. 56–57. ISBN 978-0-7153-5427-8.
  2. ↑ 2,0 2,1 2,2 2,3 South African Railways and Harbours Locomotive Diagram Book, 2’0” & 3’6” Gauge Steam Locomotives, 15 Augustus 1941, soos gewysig
  3. ↑ 3,0 3,1 3,2 3,3 3,4 Paxton, Leith & Bourne, David: Locomotives of the South African Railways p. 93. Struik. Kaapstad. ISBN 0 86977 211 2
  4. ↑ Durrant, A E (1989). Twilight of South African Steam (1st ed.). Newton Abbott, London: David & Charles. p. 31. ISBN 0715386387.


 Hierdie treinartikel is 'n saadjie. Jy kan Wikipedia help deur dit uit te brei.
Hierdie artikel is in sy geheel of gedeeltelik vanuit die Engelse Wikipedia vertaal.

Strategi Solo vs Squad di Free Fire: Cara Menang Mudah!