Die Walschaerts-klepratwerk is 'n tipe ratstelsel wat deur die Belgiese spoorwegingenieur Egide Walschaerts in 1844 ontwikkel is om die vloei van stoom na die suiers in stoomenjins te reguleer. Die naam word soms sonder die "s" aan die einde gebruik omdat dit verkeerdelik onder die naam gepatenteer is. Dit is op grootskaal in stoomlokomotiewe vanaf die laat 19de eeu tot en met die einde van die stoom-era gebruik.
Voorstelling van die herhalende aksie van 'n Walschaerts-klepratwerk wys een omwenteling vorentoe teen maksimumkrag, truverstelling, een omwenteling agtertoe teen maksimumkrag, vorentoeverstelling.
