Bani Na'im

Bani Na'im
hiria
Administrazioa
Estatu burujabe Palestina
Mendeko lurraldeZisjordania
Palestina Estatuko lurralde-antolaketaHebrongo Gobernazioa
Geografia
Koordenatuak31°30′58″N 35°09′51″E / 31.5161°N 35.1642°E / 31.5161; 35.1642
Map
Altuera968 m
Demografia
baninaim.ps

Bani Na'im (arabieraz: بني نعيم‎, Banī Naʾīm) Palestinako hiri bat da, Zisjordaniaren hegoaldean kokatua, Hebrongo Gobernazioan, Hebrondik 8 kilometro ekialdera. Palestinako Estatistika Bulego Zentralaren arabera, 24.628 biztanle zituen 2017an[1].

Demografia

Hainbat familia hedatu (hamule) bizi dira Bani Na'imen, besteak beste, Al Manasrah, Zidan, Trayrah, Humeidat, Harahsheh, Ubeid eta ِAmr[2].

Urtea Biztanleria
1870 145 (gizonezkoak baino ez ziren zenbatzen)[3]
1922 1.279[4]
1931 1.646[5]
1945 2.160[6]
1952 5.778[7]
1961 3.392[8]
1967 4.271[7]
1987 7.600[9]
1997 13.535[10]
2007 20.084[11]
2017 24.628[1]

Ekonomia

2007ko datuen arabera, hauek ziren hiriko ekonomiaren sektoreak[2]:

  • merkataritza (% 50)
  • Israelgo lan-merkatua (% 20)
  • nekazaritza (% 19)
  • kudeaketa (% 5)
  • industria (% 5)
  • zerbitzuen sektorea (% 1)

Abeltzaintzari dagokionez, ardiak, ahuntzak, behiak, etxeko hegaztiak, astoak eta mandoak hazten dituzte Bani Na'imen[7].

Hezkuntza

Hiriko lehen eskola 1929an ireki zen. Hasieran, gela bat bakarrik zuen. Denbora horretan ikasle kopurua ez zen 20tik gorakoa izan[7].

Palestinako Estatistika Bulego Zentralaren arabera, 2007an, 10 urtetik gorako biztanleriaren % 92,2 gutxi gorabehera alfabetatua zen, eta analfabetoen artean, % 72,1 emakumezkoak ziren. Urte berean, 5.974 ikasle eta 246 irakasle zeuden hirian[2][7].

Gaur egun, lehen eta bigarren hezkuntzako hamalau eskola daude Bani Na'imen, hamabi publiko eta bi pribatu. Eskola horietatik zazpi mutilenak dira, bost neskenak eta gainerakoak mistoak. Gainera, badago bi haurtzaindegi eta gorren eskola bat[2].

Erlijioa

Bederatzi meskita daude Bani Na'imen[2]:

  • As S'haba meskita
  • Arabiya meskita
  • At Taqwa meskita
  • Abu Bakr al Seddik meskita
  • Al Mohajerin meskita
  • Belal bin Rabah meskita
  • Lot meskita
  • Al Qassam meskita
  • Ash Shuhada' meskita

Loten hilobia Bani Na'imen dagoela uste da[12].

Erreferentziak

  1. ↑ a b (Ingelesez)(Arabieraz) Preliminary Results of the Population, Housing and Establishments Census, 2017. Palestinian Central Bureau of Statistics (argitaratze data: 2018), 78 or. (Noiz kontsultatua: 2023-11-17).
  2. ↑ a b c d e (Ingelesez) Bani Na'im Town Profile. Jerusalem: The Applied Research Institute (argitaratze data: 2009) (Noiz kontsultatua: 2023-11-17).
  3. ↑ (Alemanez) Socin, Albert. (1879). «Alphabetisches Verzeichniss von Ortschaften des Paschalik Jerusalem» Zeitschrift des Deutschen Palästina-Vereins 2: 144. (Noiz kontsultatua: 2023-11-17).
  4. ↑ (Ingelesez) Barron, J.B., ed. «Table V, Sub-district of Hebron» Palestine: Report and General Abstracts of the Census of 1922. , 10 or. (Noiz kontsultatua: 2023-11-17).
  5. ↑ (Ingelesez) Mills, E., ed. Census of Palestine 1931. Population of Villages, Towns and Administrative Areas. Jerusalem: Government of Palestine (argitaratze data: 1932), 27 or. (Noiz kontsultatua: 2023-11-17).
  6. ↑ (Ingelesez) «Village statistics - 1945» Government of Palestine, Department of Statistics: 25. 1945 (Noiz kontsultatua: 2023-11-17).
  7. ↑ a b c d e (Ingelesez) «Bani Na'im» Bani Na'im Charitable Society (BNCS) jatorrizkotik artxibatua (artxibatze data: 2008-09-24) (Noiz kontsultatua: 2023-11-17).
  8. ↑ (Ingelesez)(Arabieraz) Government of Jordan. (argitaratze data: 1964), 14 or. (Noiz kontsultatua: 2023-11-17).
  9. ↑ (Ingelesez) «Welcome To Bani Na'im - بني نعيم (בני נעים)» Palestine Remembered (Noiz kontsultatua: 2023-11-17).
  10. ↑ (Ingelesez) «Palestinian Population by Locality and Refugee Status» Palestinian Central Bureau of Statistics jatorrizkotik artxibatua (artxibatze data: 2008-11-19) (Noiz kontsultatua: 2023-11-17).
  11. ↑ (Ingelesez)(Arabieraz) «2007 PCBS Census» Palestinian Central Bureau of Statistics: 119. 2010 jatorrizkotik artxibatua (artxibatze data: 2010-12-10) (Noiz kontsultatua: 2023-11-17).
  12. ↑ (Ingelesez) Finn, James. (1877). Byeways in Palestine. London: James Nisbet, 291 or. (Noiz kontsultatua: 2023-11-17).

Kanpo estekak

Strategi Solo vs Squad di Free Fire: Cara Menang Mudah!