Usèr (Uzer en francés) qu'ei ua comuna d'Occitània, en Gasconha, en Nebosan[1] e en Bigòrra (ath sens d'anciana diocèsi de Tarba). Qu'ei administrada peth departament deths Hauts Pirenèus dera region d'Occitània, ancianament de Mieidia-Pirenèus.
Era prononciacion qu'ei [u'zèr] (grafia fonetica deths autors). Eras fòrmas ancianas que son : A User cap a 1200-1230, Uzier en 1313, De Userio, en latin, en 1342 e 1379, User, Usser, Huser en 1429, Uzer en Bigorre en 1752, Uzer en Nebouzan en 1747-1761, Uzer (mapa de Cassini, ara fin deth sègle XVIII)[1].
Segon Dauzat e Rostaing, Usèr que seré com Usèr (Ardècha), un probable *ucericum, qui auré ua fòrma femenina, *uc-erica (> Usercha). Era basa que seré un preceltic *uc, « turon »[2]. Segon Negre, Usèr que vieneré benlhèu deth nom germanic d'òmi *Odernus, masculin d'Oderna[1].
Miquèu Grosclaude que critica eras proposicion de Dauzat-Rostaing e de Negre, pauc realistas. Que pensa ath sufixe -err, d'ua lenga de mau precisar, benlhèu l'aquitan, present dens Biger, Bisquèr, etc. Eth radicau que pòt estar benlhèu eth nom latin d'òmi Utius, mes eth nom que demòra meilèu escur[1].
Xavier Delamarre que contunha e precisa era ipotèsi de Dauzat e Rostaing. Eths dus Usèr que serén era proprietat d'*Ucericos, nom inatestat; era basa uc- que seré gallica[3].
Comparar a