Bisquèr (Visker en francés) qu'ei ua comuna gascona situada dens eth departament deths Hauts Pirenèus dera region administrativa d'Occitània, ancianament de Miègjorn-Pirenèus.
Era prononciacion qu'ei [bis'kèr][1] (grafia fonetica deths autors). Eras fòrmas ancianas que son : en P. de Bisquers en 1283, Bisquers, en 1285, Petrus de Bisqueriis, en latin, en 1300, De Bisquerrio, Bisquerio, en latin, en 1313, de Visqueriis, en latin, en 1379, Bisquer en 1429, Visquer en 1742-1768, Bisquer en 1760, Visquer (mapa de Cassini, ara fin deth sègle XVIII)[2].
Segon Dauzat e Negre, Bisquèr qu'ei ua varianta masculina deth gascon bisquèra, « bisca, biscalèra, cerimana », deth basco biskar, « esquia, bisca deth teit »[3],[2]. R. Aymard que precisa eth vilatge qu'ei alongat sus ua cresta[2].
Miquèu Grosclaude, qu'ei en acòrd dab eras explicacions precedentas. -r finau qu'indica ua finau primitiva -rr. A comparar dab Biscarròssa e Biscarrués (Espanha)[2].