Sarrolhas (Sarrouilles en francés) qu'ei ua comuna gascona situada dens lo departament deus Hauts Pirenèus e la region administrativa d'Occitània, ancianament de Miègjorn-Pirenèus.
Autes vilatges o quartièrs : Era Marca Devath, era Marca Dessús.
La prononciacion qu'ei [sa'rroulyod] (grafia fonetica deus autors). Las fòrmas ancianas que son : Sarroilhes en 1285, Arnaut de Sarrolhes en 1406, Sarolhas, territori de Sarrolhes et de Casalhels en 1429, Sarroïlles en 1614/1746, Sarouille (mapa de Cassini, a la fin deu sègle XVIII)[1].
Segon Dauzat e Rostaing, Negre, Sarrolhas que vien deu gascon sarrolha, au plurau, « peiradas, escombres »[2].
Segon R. Aymard, Sarrolhas qu'a ua origina preindoeuropèa *sel, *sal, *sar, « pèira », aquí, « argèla dab còdes »[1].
Segon Miquèu Grosclaude, Jacques Boisgontier qu'èra reservat sus aqueras ipotèsis, tiradas deu diccionari de Palay e absentas de tot aute diccionari. Pr'aquò, que i a un pic de Sarrouye (2664 m), çò qui hè possibla ua arradic preindoeuropèa *sar, « pèira », dab un sufixe collectiu -olha, mes tot aquò shens pròvas ni certitud[1].