Cabanac (Cabanac en francés) qu'ei ua comuna gascona de Bigòrra situada dens lo departament deus Hauts Pirenèus e la region d'Occitània, ancianament de Mieidia-Pirenèus.
La prononciacion qu'ei [kaba'nak] (grafia fonetica deus autors). Las fòrmas ancianas que son : De Cabanaco, en latin, en 1313, en 1342, etc, Cabanac en 1429, Cabanac (mapa de Cassini, a la fin deu sègle XVIII)[1].
Segon Dauzat, Cabanac que vien de *Capannacum, d'un shafre galloroman d'òmi *Capannus, deu bas latin capanna, « cabana », dab lo sufixe -acum[2].
Segon Negre, sonque per las localitats omonimas, Cabanac que vien deu nom gallic d'òme Cavanus[1] [en gascon, cavanacon > Cavanac (Cauanac)].
Segon Miquèu Grosclaude, que vau mei exclúder ua formacion suu latin capanna, « cabana ». En efècte, lo sufixe -acum qu'ei totjorn dens la region associat a un nom de persona. Cabanac qu'ei ua anciana proprietat antica, formada deu nom latin d'òmi Capannus, e deu sufixe d'apertenéncia -acum[1] (lo sufixe celtic -acon, pr'amor de la soa natura adjectivau, que pòt aver foncions variadas).