Senlana (Saint-Lanne en francés) qu'ei ua comuna gascona d'Armanhac (e de Bigòrra per la diocèsi tradicionau) situada dens lo departament deus Hauts Pirenèus e la region d'Occitània, ancianament de Mieidia-Pirenèus.
Aute vilatge o quartièr : Lo Luc.
La prononciacion qu'ei [sénn'lano] (grafia fonetica deus autors). Las fòrmas ancianas que son : A Sen Lane, A Sent Lane, au sègle XII, W. Arnalt de Sent Lana, cap a 1140, Arnaldus de Senelana, en latin, en 1157, Petrus de Sentlana, dominus de Sancto Lana, en latin, en 1300, , De Senlana en 1342, de Sancta Lanna, en latin, en 1379, Senlane en 1760, St Lanne (mapa de Cassini, a la fin deu sègle XVIII)[1].
Segon Miquèu Grosclaude, lo segond element que sembla estar lo gascon lana, mes lo prumèr qu'ei enigmatic. L'etimologia populara qu'ei cent lanas, pas mei versemblabla que sent. Faus agionime (en francés e dens certanas atestacions)[1].