Asasp e Arròs[1] (Asasp-Arros en francés) qu'ei ua comuna de Bearn situada ena vath d'Aspa. Qu'ei administrada peth departament deths Pirenèus Atlantics dera region de Navèra Aquitània, ancianament d'Aquitània.
Era prononciacion qu'ei [a'zasp]. Eras fòrmas ancianas que son Asap, en 1364, Azasp en 1385, Asasp cap a 1630, Asasp (mapa de Cassini, ara fin deth sègla XVIIIau) [2].
Gerhard Rohlfs, citat per Grosclaude, qu'explica Asasp per era preposicion latina ad (« cap a ») e eth basco azpe, « concavitat ». Era motivacion qu'ei eth vilatge ei situat ara entrada dera vath d'Aspa [2].
Dauzat qu'explica Asasp per eth basco as/aitz, « punta rocosa » e asp, « darrèr »[3].
Miquèu Grosclaude que tròba era proposicion bilingüa de Rohlfs mauaisida. J.B Orpustan que constata Asasp sembla ath compausat basco aitz-aspi, « en devath deth ròc » (aspi qu'ei « partida inferiora »). En espiant despuish eth pont deth Gave, eth borg ath pè dera montanha ponchuda nomada eth Castèth, era explicacion que sembla evidenta [2].
Per Arròs d'Auloron, véder ath article.
Eth 1èr de gèr de 1973 (arrestat prefectorau deth 29 de decembre de 1972), era comuna d'Arròs d'Auloron (nomentada Arròs dinc a 1956) qu'estó incorporada a Asasp entà formar era comuna navèra d'Asasp e Arròs [4]. Arròs qu'ei comuna associada.