Horcs[1] (Hours en francés) qu'ei ua comuna bearnesa administrada peu departament deus Pirenèus Atlantics e la region de Navèra Aquitània, ancianament d'Aquitània.
La prononciacion qu'ei [hurs]. Las fòrmas ancianas que son Forcx en 1385, Forcxs en 1535, Forcs cap a 1540, Horxs en 1575, Fourqs en 1612, Hours (mapa de Cassini, a la fin deu sègle XVIIIau) [2].
Segon Dauzat (qui coneishèva totun las fòrmas ancianas...), Horcs que vien deu latin furnus, « horn » [3].
Miquèu Grosclaude que constata las fòrmas ancianas son en [ks] e [-n] ei absent. L'etime qu'ei donc furca e non pas furnus o fornax (per error, Grosclaude qu'escriu fornex : qu'ei un aute mot, de sens diferent [4]), « horn ». En gascon horc qu'a lo sens de « bòsc, ahorèst, lòc plantat d'arbos, mei que mei de cassos » [2].
]