La prononciacion qu'ei [mas'lak], mès en hasent plan atencion a bèths còps [mars'lak] (r pauc perceptibla). Las fòrmas ancianas que son Marzlag cap a 1100, Marslag/Marslags/Mazlag en 1113, Maslach en 1170, Maçlag en 1249, Mazlag en 1286, Maslac en Larbag en 1298, Maslac en 1385 e en 1476,
Maslacq (mapa de Cassini, a la fin deu sègle XVIIIau) [2].
Gerhard Rohlfs, citat per Grosclaude, qu'explica Marslac per lo shafre latin Massula, « petit tròç, petita causa » [2].
Dauzat e Rostaing, qui coneishèvan pas las fòrmas mei ancianas en Mars-, qu'explican Marslac, shens certitud, per lo nom latin d'òmi *Masilus, de Masius dab lo sufixe -acum[3].
Miquèu Grosclaude, pr'amor de las fòrmas en Mars- qu'exclutz las ipotèsis precedentas e ua auta possibilitat, l'explicacion per mas, deu latin mansionem deb lo nom de Lac. Que causeish lo nom latin d'òmi Marsulus, diminutiu atestat de Marsus. Que i avè dens lo recensament de 1385 un ostau Marsolaa a Castèthnau e Camplong, çò qui indica lo nom Marsulus ei coneishut localament e donc hè créisher la pertinéncia de l'ipotèsi. Marslac qu'èra donc « la proprietat de Marsulus[2].
.svg){kind=small}
