La Comanda[1] qu'ei ua comuna de Bearn situada dens lo departament deus Pirenèus Atlantics e la region de Navèra Aquitània, ancianament d'Aquitània. Qu'ei ua etapa suu camin de Sant Jacme de cap a Sant Jacme de Compostèla e que possedeish ua glèisa romanica d'influéncia ispanoaràbia deu sègle XII.
La prononciacion qu'ei [la ku'mandɔ]. Las fòrmas ancianas que son Hospitalet de Faget et Domus Albertini en 1128, L'espitau d'Aubertii en 1343, La Comanderie d'Aubertin en 1768 (nom absent de la mapa de Cassini, a la fin deu sègle XVIIIau) [2].
Segon Miquèu Grosclaude, qu'ei ua comandaria de Sent Joan de Jerusalèm, suu territòri d'Aubertin. Lo nom pausa pas cap problèma e lo mot comanda qu'a lo sens de « comandaria » [2].
Monenh, Aubertin