Au nòrd-èst de Malaussana, l'Arricavet que's barreja dens lo Los qui hè lo limit dab las comunas d'Arbocava e de La Cau Junta.
Vienent de Cabidòs, l'Arruton (o l'Arriton) que trauca la comuna e se'n va de cap a Mant on tròba lo Lui de França.
Toponimia
La prononciacion qu'ei [malaw'sanə]. Las fòrmas ancianas que son Malaussana, en 1514, Malausana en 1559, Malausanne en France en 1675, Malaussane (mapa de Cassini, a la fin deu sègle XVIIIau) [2].
Dauzat qu'arreliga Malaussana dab Malaucena e Malaussèna (sufixe diferent), interpretats com lo provençau malausseno, « tèrrahòrt, tuhèr » [3].
Simin Palay, dens lo Suplement au diccionari, p. 1042, qu'explica malaussane, malaussène atau : argela barrejada de calhaus, tuhèr, terren peirós, noms de lòcs près de Condòm e dens los Pirenèus Atlantics [2]. Jacques Boisgontier, dens la soa recension deu Dictionnaire toponymique des communes du Béarn, qu'escriu aqueth article de Palay ei tirat deu Tresòr dau Felibritge ![4].
Miquèu Grosclaude qu'accèpta lo sens generau hornit dens lo Palay e que precisa lo sens dens la comuna, lo pèirahèr, un gres ferruginós, donc ua tèrra peirosa e maishanta. Lo nom Malaussana que s'explica atau : mala + lausa + sufixe qualitatiu -anam, dab ua aplologia *malalausana > *ma(la)lausana > *malausana[2]. Grosclaude tracta pas de la question de -ss e de -s (present dens lo mot lausa).
.svg){kind=small}
