Comuna de l'airal urban de Tolosa situada a 18 km al nòrd-èst de la vila. Malgrat la proximitat de la granda vila, la populacion de la comuna creis pas (a recentament baissat) e l'urbanizacion avança pas. Los recensaments d'aquí a 2099 mòstran çaquelà una evolucion normala per una comuna de banlèga. Es un cas comparable (mès pus tardiu) a d'autras comunas de l'ancian canton de Vrufuèlh : Gaure, Bonrepaus Riquet, pendent las annadas 2010, Sent Pèire e La Valeta pendent las annadas 2010. Dins mai d'un cas, una politica municipala de refús d'acordar de permises de bastir es l'explicacion probabla.
Toponimia
Sent Marcèl. La mapa de Cassini (sègle XVIII) pòrta Marceil[5] : Sent Marcèl es probablament un fals agionime e quitament lo patronatge de la glèisa es estrangièr al nom d'aquel sent. La prononciacion lengadociana de Marcelh (Marcèlh ?), [mar'sel] o [mar'sɛl] ajudèt probablament a la confusion. La fòrma oficiala, Marcel en 1793 [6], fosquèc logicament compresa coma un nom descristianizat pels foncionaris departamentals e interpretada coma Saint-Marcel. En realitat, lo nom èra Marcelli(um) (fundum), la proprietat, la villa de Marcell(i)us (nom latin que donèt tanben los diferents Marcilhac).
Istòria
Pendent l'Ancian Regime, Saint-Marceil èra de la diocèsi civila de Tolosa, doncas de la província de Lengadòc, de la generalitat de Tolosa, de l'archidiocèsi de Tolosa e de la senescauciá de Tolosa. Tanlèu 1790, Saint-Marceil èra del canton de Vrufuèlh. Le vocable de la glèisa es Sent Pèire. Saint-Marcel e Paulel fusionèron per ordenança del 26 de febrièr 1835 [7]. La mapa de Cassini (sègle XVIII) pòrta Marceil : Sent Marcèl es probablament un fals agionime.
Pendent l'Ancian Regime, Paulèl èra de la diocèsi civila de Tolosa, doncas de la província de Lengadòc, de la generalitat de Tolosa, de l'archidiocèsi de Tolosa e de la senescauciá de Tolosa. Tanlèu 1790, Paulèl èra del canton de Vrufuèlh. Le vocable de la glèisa, annèxa de Marceil, es Sent Andrieu (de la Ribièra) [8]. Sus la mapa de Cassini, la glèisa nommada St André, en riba de Giron, es pus al nòrd que lo lòc de Paulel o que lo castèl del meteis nom, qu'es prèp de la RD 112. Son nom, Sent Andrieu de la Ribièra, confirma sa localizacion. A disparegut.
Comunas de laNauta Garona (Lengadòc e Gasconha) (comunas actualas, comunas que contenon de comunas delegadas, ancianas comunas, ancianas comunas vengudas comunas delegadas)
.svg)
.svg){kind=small}
.svg){kind=small}
.svg){kind=small}
.svg){kind=small}
