Pendent l'Ancian Regime, Le Casterar, dit en francés Le Castéra (o Le Castéra-las-Neux), « Le Castéra, Pradère e Larmont », èra de l'eleccion de Ribèra-Verdun, doncas de la província de Gasconha, de la generalitat d'Aush, de l'archidiocèsi de Tolosa, de la senescaucia de Tolosa. Lo vocable de la glèisa es Sent Estròpi. En 1790, Le Casterar èra deu canton de Granada (de Garona), passèc en l'an VIII au canton de Levinhac e en l'an X (en 1801) au canton de Cadors[2]. En 2015, suprimiguèn lo canton de Cadors e Lo Casterar passèc au canton de Legavin, largament espandit.
Larmont (probablament tanben Larmont en occitan, com la vila bordalesa) èra ua parròquia de l'archidiocèsi de Tolosa e de la senescaucia de Tolosa. Lo vocable de la glèisa èra o es Sent Fabian e Sent Sebastian (ancianament Sent Joan Baptista) [3]. Lo vilatge es au sud-èst deu Casterar, dens la ribèra de Sava e Pradèra garda ua capèra sus ua tuca, a l'oèst de Larmont e au sud deu Casterar. L'expression « Le Castéra, Pradère e Larmont » ha supausar que ni Larmont nimèi Pradèra èran pas comunautats d'abitants e avèvan un simple ròtle religiós.
Comunas de laNauta Garona (Lengadòc e Gasconha) (comunas actualas, comunas que contenon de comunas delegadas, ancianas comunas, ancianas comunas vengudas comunas delegadas)
.svg)
.svg){kind=small}
.svg){kind=small}
.svg){kind=small}
.svg){kind=small}
