Comuna situada en Savés a 36 km al sud-oèst de Tolosa e 16 km al sud-oèst de Murèth. Pojarramet se situa sus una laissa mejana de Garona, dominant las vals de Toish e de son afluent Bure. Es una comuna subretot agricòla, Es situada sul territòri de l'anciana granda Seuva de Bocona. L'abitat es plan dispersat, en fòrças masatges.
Toponimia
Testimoniatge competent
Pensi que POG-ARRAMET ( pog/putʃ+ a-rramet/a-RRamet]) siòc ua version occitana toponimica atau compausada mès pròche de l'etime[PODIVM-RAMETVM](damb le "a-" protetic plan gascon) e subretot de çò qu'entenoi de la version parlada, segon les darrers ancians deu "parçan" de bon ausir en "patoes", durant la mia vida sancera dins aqueste vilatge, on nasquèi un mieisècle ha! Le mens sonviers son la mea sola referéncia,se avosse escribit (e sobretot publicat)lìber a perpaus deus mens sonviers m'estoniòc alavets que me la retengosson come tala!
A l'Edat Mejana, lo territòri èra despartit en duas senhoriás:
- Pojarrament e L'Esperés avian un senhor laïc.
- Sant Joan èra la senhoriá del pregaire que demorava a l'espital jonhent la glèisa d'uèi.
La glèisa es de la meteissa epòca que la Catedrala de Sant Estève de Tolosa, debut del gotic, començada en 1215 e acabada en 1252, data figurant sus la clau de volta de la nau. Pendent lo sègle XIV foguèt fortificada.
Bastida de bricas, es dominada per un campanar mur de 30 mètres. Son portal es ornat de colomnetas de marbre blanc, de capitèls istoriats coma Sant Martin partejant son mantèl amb de paures. La glèisa es dedicada a Sant Martin.
Tempses Modèrnes
Pojarramet èra de l'eleccion de Comenge, doncas de la província de Gasconha, de la generalitat d'Aush, de la diocèsi de Lombèrs e de la senescaucia de Tolosa. Le vocable de la glèisa es Sent Martin [5].
Sent Joan de Pojarramet èra ua comunautat non parròquia de l'eleccion de Comenge, doncas de la província de Gasconha, de la generalitat d'Aush e de la senescaucia de Tolosa[6].
Epòca Contemporanèa
Tanlèu 1790, Pojarramet (Egalité de la Bure en l'an II !) qu'èra deu canton de Riumas. Sent Joan de Pojarramet estó incorporat a Pojarramet en l'an VIII, restablit pèi annexat definitivament en l'an XII [7].
Comunas de laNauta Garona (Lengadòc e Gasconha) (comunas actualas, comunas que contenon de comunas delegadas, ancianas comunas, ancianas comunas vengudas comunas delegadas)
.svg)
.svg){kind=small}
.svg){kind=small}
.svg){kind=small}
.svg){kind=small}
