Pendent l'Ancian Regime, Auriac èra de la diocèsi civila de Tolosa, doncas de la província de Lengadòc, de la generalitat de Tolosa, de l'archidiocèsi de Tolosa, de la senescauciá de Lauragués. Le vocable de la glèisa es Senta Magdalena. Tanlèu 1790, Auriac èra del canton de Caramanh. Oficialament, Auriac venguèc Auriac-sur-Vendinelle per decret del 22 de junh 1921 [5]. En 2015, suprimiguèron le canton de Caramanh e Auriac passèc al canton de Revèl, largament espandit.
A l'interior de la comuna actuala, i aviá d'autras parròquias, que, coma Auriac, dependián totas de Tolosa per l'espiritual e qu'èran tanben de la senescauciá de Lauragués :
Capuer (nom francés), comprene Capver, doncas probablament Capvèrn en occitan [6]; mès ont es Capvèrn ? es a se demandar se representa pas un autre biais de dire per Saint-Martin-de-Capver;
Choples (nom francés); la glèisa, annèxa del Cabanial es jol patronatge de Sent Estève o Estèfe [7]; Choples es al sud-èst d'Auriac, mès sembla que la glèisa a disparegut;
Saint-Martial-[de-Lauragais] (nom francés, doncas probablament Sent o Sant Marçal de Lauragués); la glèisa, annèxa de La Salvetat de Lauragués, es jol patronatge de Sent Marçal [8]; Sent Marçal es al nòrd d'Auriac;
Saint-Martin-de-Capver (nom francés, doncas probablament Sent o Sant Martin de Capvèrn); la glèisa es jol patronatge de Sent Martin [9]; Sent Martin es al nòrd-èst d'Auriac, a pauca distància e la glèisa i es encara;
enfin, Noumerens (nom francés) èra de la parròquia d'Auriac-sur-Vendinelle, segon los Archius departamentals, mès lo nom recent d'Auriac fa dobtar; i aviá pr'aquò una glèisa, consacrada a Nòstra Dòna e ara inscrita als Monuments istorics[10]; foguèt una comuna efemèra del canton, el tanben provisòri, de Sant Felitz entre 1790 e l'an III, annexada a Auriac en l'an IV (1795-1796)[11]; segon la mapa de Cassini, sembla parròquia; Noumerens es al sud d'Auriac e la glèisa, separada del lòc, es encara mai al sud.
Comunas de laNauta Garona (Lengadòc e Gasconha) (comunas actualas, comunas que contenon de comunas delegadas, ancianas comunas, ancianas comunas vengudas comunas delegadas)
.svg)
.svg){kind=small}
.svg){kind=small}
.svg){kind=small}
.svg){kind=small}
