Bots qu'es citat Boca avant 979. Que seré una latinizacion damb jòc de mots, qui, segon Jean-Claude Dinguirard, se representava pas Boce, èra signe qu'eth nom deth vilatge se prononciava dejà com votz, eth resultat deth latin vox : [buts] [1](o meilèu, au sègle X, [bots]). Dauzat, pr'amor deth -x finau, que cresè qui Bots representava boish (latin buxus) [2].
Argut. Dauzat qu'i postula ua rasic arg o un ligam damb Arguenòs, deu nom latin de persona Arguenna, Argynnus, lo tot damb plan de dobtes; per eth, lo nom que demòra escur [3]
Coulédoux que seré un colat-orium, com Coladèra un colat-aria, damb eth sens de « canèth, conduit d'escorrement, filtre »; era justificacion qu'es que Coulédoux es sus un riu, coma Coladèra sus Garòna [4]. Era grafia qu'es benlèu Coledor, Colador ?
Istòria
En 1974, Argut Dessús (nom supausat) e Coulédoux (en francés) qu'estón annexats a Bots. Error de Cassini, qu'escriu Coudeloux[5].
Pendent eth Ancian Regime, Bots qu'èra dera eleccion de Comenge, doncas dera província de Gasconha, dera generalitat d'Aush, dera diocèsi de Comenge e dera senescaucia de Pàmias. Eth vocable dera glèisa qu'es Sent Jòrdi. Tanlèu 1790, Bots qu'èra deth canton de Sent Biat. Argut-Dessús (nom supausat) e Coulédoux (nom francés) que fusionèn damb Bots (fusion-associacion) per arrestat prefectorau deth 8 de julhet 1974 [6].
Pendent eth Ancian Regime, Argut-Dessús qu'èra ua comunautat dera eleccion de Comenge, doncas dera província de Gasconha, dera generalitat d'Aush, dera diocèsi de Comenge e dera senescaucia de Pàmias. Eth vocable dera glèisa qu'es Sent Bertomiu. Tanlèu 1790, Argut-Dessús que vengó comuna deth canton de Sent Biat. Eth son n° INSEE qu'èra 31016 [7].
Pendent eth Ancian Regime, Coulédoux qu'èra dera eleccion de Comenge, doncas dera província de Gasconha, dera generalitat d'Aush, dera diocèsi de Sent Líser e dera senescaucia de Pàmias. Eth vocable dera glèisa qu'èra Sent Loís, ara Nòsta Dauna. Tanlèu 1790, Coulédoux que vengó comuna deth canton d'Aspèth. Ath moment dera fusion-associacion damb Bots, que passè deth canton d'Aspèth ath canton de Sent Biat [8]. Eth son n° INSEE qu'èra 31154 [9]
Ger de Bots qu'èra ua parròquia dera diocèsi de Comenge e dera senescaucia de Pàmias. Eth vocable dera glèisa, annèxa de Bots, qu'èra Sent Bonaventura, ara Nòsta Dauna [10].
Comunas de laNauta Garona (Lengadòc e Gasconha) (comunas actualas, comunas que contenon de comunas delegadas, ancianas comunas, ancianas comunas vengudas comunas delegadas)
.svg){kind=small}
.svg){kind=small}
.svg){kind=small}
.svg){kind=small}
