Pendent l'Ancian Regime, Tarabèl èra de la diocèsi civila de Tolosa, doncas de la província de Lengadòc, de la generalitat de Tolosa, de l'archidiocèsi de Tolosa e de la senescauciá de Lauragués. Le vocable de la glèisa es Sant Bertomiu. Tanlèu 1790, Senta Fe èra del canton de Lantar. La parròquia compreniá doás comunautats, Les Ugons (escrit ara Les Hugoux) e Les Peyrous (Les Peirons ?) que fosquèron suprimidas en se formar la comuna. Bugnac (Bunhac) fusionèc ambe Tarabèl provisòriament entre 1791 e l'an VIII, tornèc paréisser en l'an X, puèi fosquèc annexada definitivament per ordenança del 6 de febrièr 1847 [5]. Les Hugons es a l'èst de Tarabèl e les Peirons a l'èst.
Sus la mapa actuala, lo nom de Bunhac es a 500 m al sud de Tarabèl e sus la mapa de Cassini se vei una glèisa arroïnada del nom de St Peyre. Las doás glèisas èran tròp prèpas per subreviure totas doás e Bunhac èra pus pichon que Tarabèl (un centenat d'abitants contra 3 o 400).
Es una comuna que la mai granda superfícia i es consacrada a l'agricultura (milh, blat, virasolelh, sòja, etc). La proximitat de Tolosa se fa sentir per la construccion de novèls ostals individuals.
Vida locala
Educacion
En setembre de 2003 un grope escolar dubrissiá mercés a la collaboracion amb cinc autras comunas ruralas vesinas (Caragodas, Maurevila, Morvilas Bassas, Segrevila e Totens) dins l'entitat del SIVUSEM (Sindicat Intercomunal de Vocacion Unic Escolar Elementari e Mairal).
Comunas de laNauta Garona (Lengadòc e Gasconha) (comunas actualas, comunas que contenon de comunas delegadas, ancianas comunas, ancianas comunas vengudas comunas delegadas)
.svg)
.svg){kind=small}
.svg){kind=small}
.svg){kind=small}
.svg){kind=small}
