Arrows Grand Prix Internacional foi un equipo británico de Fórmula 1 activo de 1978 a 2002. Durante un período de tempo, tamén coñeceuse como Footwork.
Orixe
O equipo "Arrows Grand Prix International" foi fundado en 1977 polo financeiro italiano Franco Ambrosio, Alan Rees, Jackie Oliver, Dave Wass e Tony Southgate (o equipo tomou o seu nome das iniciais dos seus apelidos) cando Rees, Oliver , Wass e Southgate deixaron o equipo Shadow.
Ambrosio deixou o equipo logo de ser metido na cadea por irregularidades financeiras en Italia. Shadow demandounos por infracción de copyright, alegando que o Arrows FA/1 era unha copia da Shadow DN9. O equipo decidiu construír un coche novo chamado A1. Completouse en 52 días, e apareceu o día logo de que o Tribunal Superior en Londres prohibira ao equipo de carreiras participar co FA/1 .
Historia
Arrows Grand Prix Internacional
Na primeira tempada do equipo na Fórmula Un, o equipo contratou ao suecoGunnar Nilsson para ser o seu primeiro piloto. Pero, nunca chegaría a pilotar o coche, adquiriu un caso mortal de cancro testicular e finalmente faleceu.
En 1984 con motores BMW M12 turbo e co patrocinio da empresa de cigarrosBarclay as cousas puxéronse moito mellor. Ese ano foron novenos no Campionato de Construtores e o oitavos en 1985. No Gran Premio de San Marino de 1985, Thierry Boutsen terminou terceiro detrás de Alain Prost e Elio de Angelis. Pero, logo da carreira, Prost foi descualificado debido a que o seu coche era 2 kg máis lixeiro do peso mínimo, dando a Boutsen o segundo lugar. En 1987, BMW retirou o apoio e os motores pasaron a ser Megatron grazas a un acordo de arrows cos principais patrocinadores USF & G, o equipo británico logrou as súas mellores tempadas, con todo, rematou sexto en 1987 e quinto en 1988 (o último ano dos motores turboalimentados), grazas ás frecuentes finalizacións nos puntos dos pilotos Eddie Cheever e Derek Warwick.
O empresario xaponés Wataru Ohashi investiu en Arrows en 1990 e os coches comezaron a levar o logotipo Footwork nun lugar prominente. O equipo pasou a chamarse oficialmente Footwork en 1991, e conseguiu un contrato para competir con motores Porsche, o coche lamentablemente non era competitivo e en 1992 cambiou aos motores Mugen. Arows conservou o nome Footwork ata que Ito retirouse antes da tempada 1996, co cal o nome do equipo cambiouse de novo a Arrows. En calquera caso, Jackie Oliver mantivera o control durante todo o período.
TWR Arrows
En marzo de 1996, Tom Walkinshaw comprou boa parte das accións do equipo, e en setembro Walkinshaw fichou ao recente Campión Mundial Damon Hill e contratou ao millonario brasileiroPedro Diniz para axudar a pagar o salario de Hill. O equipo estivo cerca de lograr a súa primeira vitoria no Gran Premio de Hungría de 1997 Hill comezou en terceira posición e pasou Michael Schumacher logrando o primeiro lugar. Un fallo na caixa de cambios nas últimas voltas da carreira fixo que terminara segundo. Nos anos seguintes Walkinshaw compraría o resto de accións de Oliver. Brian Hart, que desexaba motores desde 1995, foi contratado polo equipo para o deseño dos motores, que levaban a marca Yamaha, e máis tarde en 1998 o mesmo nome que a escudaría, Arrows.
Na tempada 2000, Jos Verstappen regresou a Arrows, onde fora expulsado en 1996 xunto ao seu compañeiro de equipo Pedro de la Rosa. O chasis era un Arrows A21 cun motor Supertec. O motor Supertec non era o máis potente, pero era moi bo, e fora desenvolvido para esta tempada. Aliado a un excelente paquete aerodinámico e unha boa estabilidade na parte traseira, permitiu aos Arrows A21 establecer sistematicamente as mellores velocidades en recta nos circuítos. En xeral, tanto Verstappen e de la Rosa eran competitivos na metade do pelotón. Durante a tempada 2000, o equipo Arrows participou nunha serie de televisión de 13 capítulos chamada "Racing Arrows" que seguiu ao equipo e os pilotos durante todo o ano. Mostrouse na canle de televisión británica ITV en 2001 durante a tarde-noite.[1]
O cambio a Asiatech V10 en 2001 e a perda dunha gran cantidade de persoal que abandonou o equipo o fixo máis débil en 2001, cando Tom Walkinshaw decidido substituír de la Rosa co debutante na F1 Enrique Bernoldi. O equipo loitou ao longo da tempada e Verstappen logrou o único punto para o equipo en Austria.
En 2002, Tom Walkinshaw logrou un acordo para utilizar os motores Cosworth V10 e retivo a Bernoldi (co apoio de Red Bull), pero Verstappen caeu en favor de Heinz-Harald Frentzen, que quedou dispoñible cando Prost Grand Prix pechou. Verstappen demandounos con éxito por incumprimiento de contrato. Ese ano tamén tivo que facer un custoso desembolso a Pedro Diniz despois de demandar ao brasileiro se éxito, que financiaba a Sauber desde 1999. O equipo enfrontouse a un terceiro preito de Frentzen, que estaba de contratado carreira a carreira e que non lle pagaban. Arrows quedou sen diñeiro a metade da tempada e non participou nas restantes carreiras ata final do ano, os seus pilotos non se clasificaron deliberadamente no Gran Premio de Francia.
Leváronse a cabo negociacións ao longo da tempada cos potenciais investidores dispostos a investir no equipo ou compralo directamente, como Craig Pollock (que en dúas ocasións fixo unha oferta polo equipo) e Dietrich Mateschitz.
O equipo entrou en liquidación ao final da tempada, tamén forzando a pechar a TWR.[2]
Un consorcio liderado por Phoenix Finance, dirixido por Charles Nickerson, un amigo de Walkinshaw, comprou parte dos activos do equipo, especificamente os motores, na crenza de que, xunto coa compra dos activos de Prost Grand Prix, gañaría á entrada para a tempada 2003. Pero, a súa solicitude foi rexeitada pola FIA.
Na súa accidentada historia, Arrows logrou a triste marca de 382 carreiras sen gañar, malia que acadaron 9 podios incluíndo 5 segundos postos.
O chasis e os dereitos de propiedade intelectual do chasis foron posteriormente adquiridos por Paul Stoddart, o entón xefe do equipo Minardi como un potencial substituto para o chasis do seu propio equipo. O novo equipo Super Aguri F1 comprou os coches en 2002 e correu con eles (con algunhas modificacións) como o SA05 durante as primeiras carreiras da tempada 2006. Un destes coches dise que estivo en exhibición no aeroporto de Melbourne antes de ser adquirido por Super Aguri. Logo de ser devolto á fábrica para ser actualizado para cumprir coa normativa 2006, o coche foi levado de volta a Melbourne para o Gran Premio de Australia. Unha actualización baseada no mesmo chasis foi chamado SA06 e fixo o seu debut no Gran Premio de Alemaña 2006. O SA05 e o SA06 non anotaron un só punto na tempada 2006.
↑Aos efectos do Campionato do Mundo de Construtores, un construtor é a combinación da persoa ou entidade que deseña o chasis e o motor do equipo, polo tanto Arrows-Ford e Arrows-BMW recoñécense como equipos separados no campionato