O Gran Premio de Francia de 1993 de fórmula 1 celebrouse no Circuíto de Nevers Magny-Cours en Francia o 4 de xullo de 1993. Foi a oitava proba da tempada de Fórmula Un de 1993, o 71º Gran Premio de Francia, ou o 79º Gran Prix de l'ACF. A carreira, disputada en 72 voltas. Gañouno o piloto de Williams, e o favorito local, Alain Prost, quen ampliou a súa vantaxe no Campionato de Pilotos, o seu compañeiro de equipo Damon Hill foi segundo, e Michael Schumacher completou o podio co Benetton. A carreira tamén foi a última para Fabrizio Barbazza.
Cualificación
O heroe local Prost obtivo a pole en todas as sete carreiras previas, houbo unha gran competencia na cualificación onde os Williams eran xeralmente dominantes. O Williams foron 1-2 na cualificación, pero foi Hill quen logrou a súa primeira pole na Fórmula Un por diante de Prost. O equipo Ligier, na súa carreira de casa, encheu a segunda fila con Martin Brundle diante de Mark Blundell, e así completou un 1-2-3-4 para os coches con motor Renault. Ayrton Senna no McLaren e Jean Alesi no Ferrari estaban na terceira fila, Schumacher no Benetton e Rubens Barrichello no Jordan conformaron a cuarta liña, e o equipo Larrousse, tamén disputando a súa carreira de casa, ocuparon o quinto con Érik Comas diante de Philippe Alliot.
Carreira
Ao principio, os primeiros 5 mantivéronse iguais mentres que Schumacher adiantouse a Alesi. Hill lideraba a Prost, Brundle, Blundell, Senna e Schumacher.
Williams afastouse mentres Brundle apartouse de Blundell, quen estaba aguantando a Senna e Schumacher. Con todo, isto terminou cando Blundell saíuse da pista e retirouse na volta 21 cando intentaba dobrar a de Cesaris. Era hora das paradas de metade de carreira, durante as cales Prost adiantouse a Hill e Senna e Schumacher achegouse a Brundle.
Durante as segundas paradas, Prost mantívose por diante, só dúas décimas, mentres que Senna e Schumacher adiantáronse a Brundle. Schumacher pasou a Senna cando os dous atravesaban o tráfico e afastouse. Prost gañou con Hill xusto detrás para que Williams fixera un 1-2 por diante de Schumacher, Senna, Brundle e Andretti.
Polo tanto, na metade da tempada, Prost lideraba o Campionato Mundial con 57 puntos. Senna estaba 12 puntos máis atrás en segundo lugar con 45, Hill estaba terceiro con 28, Schumacher cuarto con 24, Brundle quinto con 9, Blundell sexto con 6, Herbert sétimo con 6 e Lehto oitavo con 5. Non houbo batallas reais no Campionato de Construtores con Williams liderando comodamente con 85 puntos con McLaren 37 puntos atrás no segundo lugar con 48. Benetton terceiro con 29 e Ligier cuarto con 15.
Clasificación
Cualificación
Carreira
Posicións logo da carreira
- Clasificación do campionato de pilotos
|
- Clasificación no campionato de construtores
|
- Nota: Só están incluídos os cinco primeiros postos na clasificación.
Notas
Véxase tamén
Ligazóns externas
