Մելվին Շվարց

Մելվին Շվարց անգլ.՝ Melvin Schwartz
Ծնվել է	նոյեմբերի 2, 1932(1932-11-02)[1][2][3]^[…] Նյու Յորք, Նյու Յորք
Մահացել է	օգոստոսի 28, 2006(2006-08-28)[4][1][2]^[…] (73 տարեկան) Թուին Ֆոլս, Այդահո, ԱՄՆ բնական մահով
Քաղաքացիություն	ԱՄՆ
Մասնագիտություն	ֆիզիկոս և համալսարանի դասախոս
Հաստատություն(ներ)	Կոլումբիայի համալսարան
Գործունեության ոլորտ	ֆիզիկա, նեյտրինո[5] և Էլեկտրադինամիկա[5]
Անդամակցություն	ԱՄՆ-ի Գիտությունների ազգային ակադեմիա և Ամերիկյան ֆիզիկական ընկերություն[6]
Ալմա մատեր	Կոլումբիայի համալսարան և Բրոնքսի գիտությունների ավագ դպրոց
Տիրապետում է լեզուներին	անգլերեն[7]
Գիտական ղեկավար	Ջեք Շտեյնբերգեր
Եղել է գիտական ղեկավար	James Enstrom? և Robert D. Cousins?
Պարգևներ	Գուգենհայմի կրթաթոշակ [8] [9][10] Ամերիկայի ֆիզիկայի ակադեմիայի անդամ և John Jay Award?

Մելվին Շվարց (անգլ.՝ Melvin Schwartz, նոյեմբերի 2, 1932(1932-11-02)^{[1][2][3][…]}, Նյու Յորք, Նյու Յորք - օգոստոսի 28, 2006(2006-08-28)^{[4][1][2][…]}, Թուին Ֆոլս, Այդահո, ԱՄՆ), ամերիկացի ֆիզիկոս, ԱՄՆ ԳԱ անդամ 1975 թվականից, Նոբելյան մրցանակի դափնեկիր^[11] (1988)։

Կենսագրություն

Մելվին Շվարցը ծնվել է Նյու Յորքում, սովորել Bronx High գիտական դպրոցում, որը տվել է ֆիզիկայի բնագավառի բազմաթիվ Նոբելյան մրցանակակիրներ։ Ֆիզիկայով սկսել է զբաղվել 12 տարեկանից։ 1953 թվականին ավարտել է Կոլումբիայի համալսարանը։ 1956-1958 թվականներին աշխատել է Բրուքհեյվենյան ազգային լաբորատորիայում, 1958-1966 թվականներին՝ Կոլումբիայի համալսարանում, պրոֆեսոր` 1963 թվականից, 1966 թվականից՝ Ստենֆորդի համալսարանի պրոֆեսոր։ 1970 թվականին Շվարցը Կալիֆոռնիայում հիմնադրում է Digital Pathways, Inc. համակարգչային անվտանգության ընկերությունը։ Ավելի ուշ Բրուքհեյվենյան լաբորատորիայի տնօրեն Նիկոլաս Սեմիոսը նրան հորդորել է վերադառնալ ֆիզիկա։ 1991 թվականին Շվարցը Բրուքհեյվենյան լաբորատորիայի Բարձր էներգիայի և Միջուկային ֆիզիկայի տնօրենն էր<sup>[12]</sup>։
1988 թվականին Լեոն Լեդերմանի և Ջեք Շտեյնբերգերի հետ արժանացել է Նոբելյան մրցանակի ֆիզիկայի գծով` տիեզերքում գոյություն ունեցող ամենախորհրդավոր տարրական մասնիկների՝ երկու տիպերի հայտնագործության և ուսումնասիրման համար։

Գործունեություն

Շվարցի հետազոտությունները նվիրված են բարձր էներգիաների և տարրական մասնիկների ֆիզիկային։ 1957 թվականին աշխատակիցների հետ հայտնագործել է սիգմա-հիպերոն մասնիկը։ 1959 թվականին ֆիզիկոս Բրունո Պոնտեկորվոյի հետ ցույց է տվել ցանկացած էներգիայով նեյտրինոյի ստացման համար արագացուցիչների օգտագործման հնարավորությունը։
Այլ գիտնականների հետ նեյտրոնային գիտափորձում ապացուցել է 2 տիպի նեյտրինոների էլեկտրոնային և մյունային գոյությունը։ 1957 թվականին ապացուցել է հիպեչոնների տրոհման մեջ զույգության չպահպանման իրողությունը, 1958 թվականին որոշել է լյամբդա և սիգմա-հիպերոն մասնիկների սպինը։ 1976 թվականին հայտնագործել է պիոնիումը, որը պիոնի և մյուոնի էկզոտիկ կապված վիճակն է^[13][14]։

Պարգևներ

• Նոբելյան մրցանակ, 1988

Ծանոթագրություններ

1. Encyclopædia Britannica
2. Սոլոմոն Գուգենհայմի թանգարան — 1937.
3. Բրոքհաուզի հանրագիտարան (գերմ.)
4. Melvin Schwartz Dies at 73; Won Nobel Prize in Physics // The New York Times / J. Kahn — Manhattan: New York Times Company, A. G. Sulzberger, 2006. — ISSN 0362-4331; 1553-8095; 1542-667X
5. Չեխիայի ազգային գրադարանի կատալոգ
6. Notable Names Database — 2002.
7. Identifiants et Référentiels (ֆր.) — ABES, 2011.
8. Guggenheim Fellows-ի տվյալների բազա
9. The Nobel Prize in Physics 1988 — Nobel Foundation.
10. Table showing prize amounts — Nobel Foundation, 2019.
11. Նոբելյան մրցանակակիրներ ֆիզիկայից, 1988
12. Մելվին Շվարց, կենսագրական
13. Մելվին Շվարց՝ հոդվածը Հրեական էլեկտրոնային հանրագիտարանում
14. Նոբելյան մրցանակի դափնեկիրներ 1901-2000, Պավել Ծատուրյան, Երևան, 2007.

Արտաքին հղումներ

• Melvin Schwartz and the Discovery of the Muon Neutrino