Vielar[1],[2] o Vielà[3] (Viella en francés) qu'ei ua comuna occitana de Gasconha situada dens lo departament de Gers e la region d'Occitània, ancianament de Mieidia-Pirenèus.
Curiosament, Dauzat e eths Féniés qu'interprètan la fòrma francesa Viella com un Vièla, dab l'accent tonic sus la prumèra sillaba, donc com un representant deu latin villa, shens sufixe [4],[5]. Mès la grafia francesa respècta normalament pas l'-a finau atòn deus toponimes occitans. La grafia de la mapa deu Conselh Generau de Gers, Vielà, qu'a au mens l'avantage de donar la prononciacion e la plaça de l'accent tonic : [bie'la]. Negre qu'explica lo nom corrèctament [6].
Lo nom qu'ei gascon e lo mot vielar (o vilar, vialar) qu'ei l'eretèr deu latin villa e deu sufixe are. Lo sens qu'estó « dependéncia d'un domeni agricòla, d'ua villa», puish « vilatjòt » [7],[8]. Per un cas semblable : Vielar.
La comuna que hè partida de las airas d'apellacion d'origina contrarotlada (AOC) deu Madiran, deu Paisherenc deu Vic Vilh e deu Bearn.
Castèth de Vielar sègle xviii (anciana proprietat deus marqués de Vielar)