Sent Joan Potge[1] (Saint-Jean-Poutge en francés) qu'ei ua comuna occitana de Gasconha situada dens lo departament de Gers e la region d'Occitània, ancianament de Mieidia-Pirenèus.
Sent Joan Potge qu'ei sus Baïsa.
Joan qu'es la fòrma occitana de Johannes, nom de Sent Joan Baptista e de Sent Joan l'Evangelista [2],[3]. Lo Baptista qu'èra lo Sent Joan mei onorat a l'Edat Mejana dens lo nom de las parròpias. (Informacions presas a la Wikipèdia francesa). Segon la majoritat deus istorians locaus, ua potge qu'ei ua via hòrt anciana, parallèla a l'aiga e traçada au pè deu costalat, generalament en arriba dreta. Que seré un mot de la familha de podium. La potge en question que seré ua anciana via d'origina galloromana qui religava los Pirenèus a la ribèra de Garona en bèth passar per l'arriba dreta de Baïsa. Que i a ua potge a Bolonha de Gessa, a Cimòrra e Saramon long de Gimona, a La Maguèra long d'Arrats, au pè de Montverd en arriba de Baïsa, a Montclar sus l'Òssa [4]. Lo nom de Sent Joan Potge qu'ei format en aplegar lo nom de la parròquia e la potge qui passava a proximitat. Potge qu'a un sens diferent en Bearn. Lo mot potge qu'ei un apellatiu dens los costalats de Vic Vilh e designa los planèrs largament espandits entre duas aigas. Segon Miquèu Grosclaude per Sent Joan Potge (Bearn), lo rapòrt de Potge dab podium (> puei, poi) qu'ei evident. Pr'aquò, poge que seré l'evolucion supausada. Sembla que potge venga pas exactament de podium, mès deu latin podia. Aqueth plurau neutre qu'ei estat pres com un femenin (lo mot qu'ei femenin), mes la terminason qu'a ua fòrma masculina...[5]
Pas d'informacions.