Sus la mapa IGN actuala, l'emplaçament de Vacarissa qu'es escrit Chap. e Cim., « capèra, cementèri », au sud-sud-èst de Gasatz, a l'èst de la RD 102. I a pas de vilatge. La maison comuna qu'es a Gasatz.
Gasatz. Ni Dauzat nimei Negre disen pas arren de Gazatz. La prumèra sillaba qu'es benlèu la de Gasòst qui es d'origina escura (un nom de persona ?). Ua auta possibilitat qu'es la sonorizacion de l'iniciala, fenomèn rare mès pas absent. Dens aqueth cas, véser a Casats e tanben a Casac.
Vacarissa. Lo nom que sembla format de vaca e deu doble sufixe -are e -icia. Un lòc on elevavan las vacas ? Lo toponime es pas comun, mès la foncion qu'es banala. Deu nom de Vacarissa o d'un nom identic, lo nom deu compositor Salvador Bacarisse que sembla vénguer.
Istòria
La formacion de la comuna que data d'avant 1794, per fusion enter Gasatz e Vacarissa [7]. Gasatz qu'èra parròpia e Vacarissa parròpia annèxa [8].
Avant la refòrma cantonala de 2014, aplicada en 2015, la comuna qu'èra deu canton de Montesquiu ; qu'es adara deu canton de Fesensac (burèu centralizator : Vic de Fesensac).
.svg){kind=small}
