Montpesat que ven de l'occitan mont, deu latin mons, montem. Lo segond element que pòt estar lo participi passat deu latin pedare, «paisherar», «palengar», donc fortificar damb fondacions solidas [7]; pr'aquò, Pierre-Henri Billy que constata pedare es shens descendéncia gallo-romanica [ací, occitano-romanica] e que pensatus (de pendere) > pensat > pesat, «en penent», conven milhor (citat per Pau Burgan e Andriu Lafon a prepaus de Montpesat de Carcin, qui presenta l'atestacion Mons Pensatus en 1040 [8].
Segon Negre, los Montpesats que son formats de mont e deu participi passat de pezar : « estar malaisit, penós, mauplasent per las soas fortificacions » [9]...
Gençac
Gençac (anciana comuna de Gensac-Savès, en francés) : se s'explica coma los autes Gençacs, lo nom de Gençac que ven deu nom d'òme latin Gentius, damb lo sufixe -acu(m)[10], latinizacion d'un sufixe celtic -*acon. Que's tracta donc d'ua anciana propietat gallo-romana.
Istòria
La seccion de Murelet deu Pin, qui es ua enclava dens lo Gers qu'ei transferida (24au lei deu 26 de març de 1829) a la comuna de Gençac (departament deu Gers), qui ei la medisha annada reünida a Montpesat. En 1921 (decret deu 22 de junh de 1921, la comuna deu Pin pren oficiaument lo nom de Le Pin-Murelet a maugrat Murelet non sia pas mei en lo son territòri [11].
Dens la practica, Montpesat que recep doncas Gençac e Murelet. Murelet qu'èra abans 1789 de l'eleccion de Comenge (nocion diferenta de la diocèsi de Comenge), de la generalitat d'Aush, de la diocèsi de Lombèrs, de la senescaucia de Tolosa. En 1790, Murelet qu'èra deu canton de Riumas[12].
.jpg)
.svg){kind=small}
