Estampas e Castèthfranc[1][2][3],[4],[5],[6] (Estampes en francés) qu'ei ua comuna gascoa, situada dens lo departament de Gers e la region d'Occitània, ancianament de Mieidia-Pirenèus.
Per Dauzat, lo nom d'Estampas e lo d'Estampuras (comuna confrontanta) semblan pas aver d'explicas [7]. Negre que manca de realisme : lo plurau de l'occitan estampa, « utís de haure per har traucs, rectangulars e bocalargs, hèrs de chivaus, benlèu per representar la fòrma deu vilatge ! »[8]. Pr'aquò, per Grosclaude, los noms que semblan en relacion dab lo germanic stamp. Lo sens prumèr qu'ei « esprémer, cachar » mes que pòt estar tanben en relacion dab l'idèa de « barrar » : estampa « contravent de barradura », estampà's « barrà's a casa ». Lo sens que pòt estar de « barri, clauson » o benlhèu de « trolh », de « molin », o quitament de « harga » e lo sens actuau qu'es benlhèu diferent deu sens de l'epòca de la fixacion deu nom. Per Estampuras que i a traças de varats autorn deu cementèri, çò qui pòt justificar la nocion de « barri » [9].