Segon Dauzat e los Féniés, Cornelhan que veng deu nom latin d'òme Cornelius dab lo sufixe latin -anum[6],[7]. Cornelhan qu'èra donc probablament ua anciana grana proprietat antica qui avè per mèste Cornelius.
Segon Negre, Cornelhan que vengueré deu nom de persona Cornelianus, shens sufixe[8].
Istòria
Cornelhan qu'èra un castèthnau. Aqueth nom que designava petitas aglomeracions apiejadas sus ua hortalessa que las emparava, qui èran donc borgs castraus medievaus (sègles XI a XIII) [9],[10], estudiats per exemple per Benoît Cursente [11]. Cornelhan, nom de villa galloromana, qu'èra probablament un vilatge avant l'installacion deu castèth (mès benlèu pas exactament a la medisha plaça).
Avant la refòrma cantonala de 2014, aplicada en 2015, la comuna qu'èra deu canton de Riscla; qu'ei adara deu canton d' Adour-Gersoise (en francés), donc d'Ador gersesa.
.svg)
.svg){kind=small}
