Montclar sus l'Òssa[1][2],[3],[4],[5] o Montclar de l'Òssa[6] (Monclar-sur-Losse en francés) qu'ei ua comuna occitana de Gasconha situada dens lo departament de Gers e la region d'Occitània, ancianament de Mieidia-Pirenèus.
Lo nom que correspond a un tipe monte(m) claru(m). Lo sens de l'adjectiu es pas evident pr'aquò : benlèu « illustre », com en latin classic, segon la suggestion de Bénédicte Boyrie-Fénié a prepaus de l'omonime agenés, o « de color clara », « evident, distinguit » (Ernèst Negre), « beròi, gran » (Jacques Astor, citat per B. Boyrie-Fénié) [7],[8],[9]. La prononciacion [muŋ'kla] qu'es confirmada peu nom sus la mapa de Cassini, Moncla [10].
Lo determinant es lo nom d'un flume de 120,3 km de long, l'Òssa, sos-afluent de Baïsa, que poderé estar deu medish tipe que las Ossas o Orsas estudiadas per Miquèu Grosclaude, qui's guarda ben de precisar s'aqueths noms son presents en toponimia basca (un sol cas eventualament aparentat, Bidosa) o quina es la soa origina [11]. Bénédicte Boyrie-Fénié, a prepaus de Lòssa, d'origina probablament idronimica, qu'atribueish ua origina aquitanica au nom deu riu eponime supausat.