Camboxa competiu por vez primeira nos Xogos Olímpicos en 1956. O país nunca gañou unha medalla olímpica[1] e tampouco participou nos Xogos Olímpicos de Inverno. Camboxa participou nos Xogos Olímpicos de 1956 celebrados en Melbourne, Australia, mais competiu fisicamente en Estocolmo, Suecia, xa que só competiron na proba de hípica que se realizou en Suecia por mor de regulacións de corentena dos animais.[2]
Camboxa non competiu nos Xogos Olímpicos durante 24 anos despois dos Xogos Olímpicos de 1972 polo réxime dos Khmer vermellos, mais finalmente regresou nos Xogos Olímpicos de 1996.[2] Dende entón competiron en cada edición dos Xogos Olímpicos de Verán.[1]