Sent Per de Busèth[1],[2] (Saint-Pierre-de-Buzet en francés) es una comuna gascona d'Agenés situada dens lo departament d'Òut e Garona e la region de Navèra Aquitània, ancianament d'Aquitània.
La sola atestacion medievala citada per Bénédicte Boyrie-Fénié es Font Clara (Granja de ~), en 1326, qu'es en rapòrt dab un grand maine monastic, lo deus premontrés establits dempui 1269; lo mot granja avèva aqueth sens. La prononciacion es [sem'pe deby'zɛt]. Lo nom deu sent ven deu grèc Petros, latin Petrus, traduccion deu nom ebrèu de l'apòstol. La fòrma locala actuala es Per, dab un e barrat [e] [1],[3] (la fòrma etimologica es Pèr). Lo determinant es lo nom de la comuna de Busèth (los dus borgs son separats de 2 km).