Pompièir (Pompiey en francés) es ua comuna agenesa de Gasconha situada dens lo departament d'Òut e Garona e la region de Navèra Aquitània, ancianament d'Aquitània.
La prononciacion es [pum'pjɛj]. las fòrmas ancianas son : Parrochia de Pompei au sègle XIII, Parrochia Sancte Maire de Pompei, shens data, Parrochia de Pompei en 1259[1].
Las fòrmas Pompei semblan representar lo gentilici latin Pompeius. Mes en realitat pòden pas miar a Pompièir. L'explicacion es que Pompei es ua faussa latinizacion [1].
En se basant sus la topografica, Bénédicte Boyrie-Fénié evòca la basa oronimica prelatina *pomp-, « gonflament », que pensa de trobar a Pompòrt. Segon Astor, *pomp- seré tombat dens l'atraccion de pompidor, çò que correspondré au site. B. Boyrie-Fénié considèra son ipotèsi com ua simpla possibilitat. Tròba de noms aparentats, damb ua -r finala en generau : Pompier (comuna de Feniers), l'estanh de Pompeix, tanben en Cruesa, Pompier a Senta Fortunada (Corresa) [1].
N.B. I a un Pompinier a Brossac (Charanta).
La parròpia de Pompièir èra ua annèxa de Laussenhan (nom supausat), comuna de Barbasta[1].