ზაზა პაპუაშვილი (დ. 20 ოქტომბერი, 1964, თბილისი) — ქართველი მსახიობი, პოლიტიკოსი, რეჟისორი.
ბიოგრაფია
1986 წელს დაამთავრა შოთა რუსთაველის სახელობის საქართველოს სახელმწიფო თეატრალური ინსტიტუტი. იმავე წლიდან რუსთაველის თეატრის მსახიობია. აღსანიშნავი როლებია: კირილე მიმინოშვილი („სამანიშვილის დედინაცვალი“), კლავდიუსი („ჰამლეტი“), სეხიზმუნდო („ცხოვრება სიზმარია“), მასხარა („მეფე ლირი“), იანგ ზუნი („სეჩუანელი კეთილი ადამიანი“), მაკბეტი („მაკბეტი“), მინდია („ლამარა“), ბაჩა („მერე რა რომ სველია სველი იასამანი“), პანტალონე („ქალი გველი“), ჰამლეტი („ჰამლეტი“), მალვოლიო („როგორც გენებოთ ანუ შობის მეთორმეტე ღამე“), ესტრაგონი („გოდოს მოლოდინში“), დარისპანი („დარისპანის გასაჭირი“), სევდიანი უცნობი („ვანილის მოტკბო, სევდიანი სურნელი“).
დადგმული აქვს სპექტაკლები ბათუმის ილია ჭავჭავაძის სახელობისა და შოთა რუსთაველის სახელობის დარამატულ თეატრებში.
2012-2016 წლებში იყო საქართველოს მე-8 მოწვევის პარლამენტის წევრი (თბილისის მტაწმინდის მაჟორიტარი), საარჩევნო ბლოკი: „ბიძინა ივანიშვილი — ქართული ოცნება“. 2016-2020 წლებში იყო საქართველოს მე-9 მოწვევის პარლამენტის წევრი (თბილისის დიდუბის მაჟორიტარი), საარჩევნო ბლოკი: „ქართული ოცნება — დემოკრატიული საქართველო“.
ფილმოგრაფია
ნათამაშები როლები
რუსთაველის თეატრი
- დავით კლდიაშვილი „სამანიშვილის დედინაცვალი“ (კირილე მიმინოშვილი)
- უილიამ შექსპირი „ჰამლეტი“ (კლავდიუსი)
- პედრო კალდერონი „ცხოვრება სიზმარია“ (სეხიზმუნდო)
- უილიამ შექსპირი „მეფე ლირი“ (მასხარა)
- ბერტოლტ ბრეხტი „სეჩუანელი კეთილი ადამიანი“ (იანგ ზუნი)
- უილიამ შექსპირი „მაკბეტი“ (მაკბეტი)
- გრიგოლ რობაქიძე „ლამარა“ (მინდია)
- ლაშა თაბუკაშვილი „მერე რა რომ სველია სველი იასამანი“ (ბაჩა)
- კარლო გოცი „ქალი-გველი“ ( პანტალონე)
- უილიამ შექსპირი „ჰამლეტი“ (ჰამლეტი)
- უილიამ შექსპირი „როგორც გენებოთ ანუ შობის მეთორმეტე ღამე“ (მალვოლიო)
- სემუელ ბეკეტი „გოდოს მოლოდინში“ (ესტრაგონი)
- დავით კლდიაშვილი „დარისპანის გასაჭირი“ (დარისპანი)
- ირაკლი სამსონაძე „ვანილის მოტკბო, სევდიანი სურნელი“ (სევდიანი უცნობი)
ჯილდოები, პრემიები და პრიზები
- 1996: საქართველოს სახელმწიფო პრემია
- თეატრალური საზოგადოების ჯილდო „ოქროს ნიღაბი“, მამაკაცის საუკეთესო როლის შესრულებისთვის
- ლადო მესხიშვილის სახელობის პრემია
რესურსები ინტერნეტში
