Constantino García

Constantino García
Biografía
Nacemento	20 de xullo de 1927 ; Oviedo, España
Morte	23 de outubro de 2008 (81 anos); Santiago de Compostela, España
Catedrático
	1965 –
Datos persoais
País de nacionalidade	España
Educación	Universidade Complutense de Madrid
Actividade
Ocupación	escritor , lingüista
Empregador	Universidade Complutense de Madrid
Membro de	Real Academia Galega (académico de número) (1982–2008)
Lingua	Lingua galega
Obra
Doutorando	Antón Santamarina e Modesto Aníbal Rodríguez Neira
	Premios (2002) Medalla Castelao ;

Constantino García González, nado en Oviedo o 20 de xullo^[1] de 1927 e finado en Santiago de Compostela o 23 de outubro de 2008, foi un lingüista e escritor galego de orixe asturiana.

Traxectoria

Logo de formarse nas universidades de Oviedo, Complutense de Madrid e Bonn, en 1965 chegou á Universidade de Santiago de Compostela para ocupar unha praza na facultade de Filosofía e Letras. Foi un dos fundadores do Instituto da Lingua Galega en 1971 e do Centro Ramón Piñeiro en 1993, e a ambos os dous dirixiunos en diferentes etapas. En 1982 ingresa na Real Academia Galega, entidade da que foi secretario entre 1997 e 2001. Recibiu a Medalla Castelao, e foi nomeado Xuíz Honorario do Couto Mixto no 2002.

Nos anos oitenta foi codirector e copresentador na Televisión de Galicia do programa Cousas da lingua, un microespazo con comentarios lingüísticos. Moitos deses apuntamentos foron recollidos en libros. Foi ademais un dos impulsores e coautores do Atlas Lingüístico Galego e de diversas obras lexicográficas.

Nos últimos anos da súa vida, gravemente enfermo dun mal dexenerativo,^[2] retirouse da actividade cultural e intelectual.

Contribución a la historia de los conceptos gramaticales. La aportación del Brocense (1960).
Léxico de la comarca compostelana (1974).
Galego onte, galego hoxe (1976, Universidade de Santiago).
Recantos da lingua (1982, La Voz de Galicia).
Retrincos da lingua (1982).
Glosario de voces galegas de hoxe (1985).
Temas de lingüística galega (1985).
Follas da lingua (1987).
Cousas da lingua (1989).
Cartafol da lingua (1990).
Peneirando palabras (1990).
Contribución ó léxico de Alvaro Cunqueiro (1991).
Tesouros da lingua (1993).
Glosas da lingua (1995).
El castellano de Galicia (1998).
O libro das palabras (2003).