Die 2016 Formule Een Italiaanse Grand Prix is op 4 September 2016 op die Autodromo Nazionale Monza, in Italië, gehou. Dit was die veertiende wedren van die kampioenskapseisoen.
Bande deur Pirelli verskaf
Pirellibande vir gebruik te Monza
| Bande vir 'n droë baan
|
Reënbande
|
Supersag
|
Sag
|
Medium
|
Tussen-in
|
Reën
|
Die Grand Prix by Monza is nie net die tuiswedren van Scuderia Ferrari en Scuderia Toro Rosso nie, maar ook vir Pirelli. Die Italiaanse bandvervaardiger, die enigste verskaffer van bande vir Formule 1, sal graag self goed wil vaar. "Monza kom na Spa" sê Paul Hembery, Pirelli se motorsportdirekteur. "Twee epiese bane in 'n enkele week, maar op ons tuisbaan voel dit altyd baie spesiaal. Dit sal 'n besige naweek wees en, met die supersag vir die eerste keer in aksie op Monza, kan ons nuwe spoedrekords verwag, veral in die kwalifiserende ronde. Verlede jaar het die meeste renjaers 'n een-stopstrategie gekies, maar die koms van die supersagte band kan lei tot meer kuipstoppe," het Hembery gesê.[1]
Vrye oefening
Kwalifisering
Lewis Hamilton behaal vir Mercedes sy sewende voorste wegspringposisie van die seisoen deur spanmaat Nico Rosberg te klop.[5] Die Ferrari 's van Sebastian Vettel en Kimi Räikkönen eindig derde en vierde, voor die Williams van Valtteri Bottas. Die Red Bull-duo Daniel Ricciardo en Max Verstappen kwalifiseer as sesde en sewende, voor die Force India-jaers Sergio Pérez en Nico Hülkenberg. Die top 10 word afgesluit deur Esteban Gutiérrez van die Haas F1-span.
Romain Grosjean van Haas ontvang 'n straf van vyf plekke omdat hy na die derde vrye oefening sy ratkas moes laat vervang.[6]
← VOOR Posisies na kwalifisering vir die 2016 Italiaanse Grand Prix
← VOOR Wegspringrooster vir die 2016 Italiaanse Grand Prix
Renuitslag
Die wedren is deur Nico Rosberg gewen, sy sewende oorwinning van die seisoen.[7] Lewis Hamilton was tweede, nadat hy swak begin het en oorspronklik teruggesak het na sesde plek. Sebastian Vettel het die podium voltooi, met spanmaat Kimi Räikkönen agter hom. Daniel Ricciardo is vyfde, nadat hy die sesde eindigende Valtteri Bottas enkele rondtes voor die einde van die wedren ingehaal het. In die sewende plek was Max Verstappen wat kort voor die einde vir Sergio Pérez, wat agtste was, verbygesteek het. Die laaste punte gaan aan Felipe Massa en Nico Hülkenberg.
Puntestand ná die Grand Prix
Renjaers
Vervaardigers
Verwysings
.svg){kind=small}
