ოთარ დანელია (დ. 21 სექტემბერი, 1979, ქ. სენაკი) — ქართველი პოლიტიკოსი. საქართველოს სოფლის მეურნეობის მინისტრი 2014-დან 2016 წლამდე.
ბიოგრაფია
1996–2000 წლებში სწავლობდა საქართველოს დიპლომატიურ აკადემიაში. არის საერთაშორისო ურთიერთობისა და დიპლომატიის სპეციალისტი. 1997–2002 წლებში ივ. ჯავახიშვილის სახელობის სახელმწიფო უნივერსიტეტის იურიდიული ფაკულტეტის სტუდენტია.
2001–2004 წლებში საქართველოში გაეროს დამკვირვებელთა მისიის ასისტენტია. 2004–2007 წლებში „კოტ დ’ვუარში გაეროს ოპერაციების“ რეგიონული წარმომადგენელია. 2008–2011 წლებში „ბანკი რესპუბლიკა–ჯგუფი სოსიეტე ჟენერალის“ ჯერ პროექტის მენეჯერი, შემდეგ კი პროექტებისა და ბიზნეს ანალიზის დეპარტამენტის უფროსია. 2011–2013 წლებში სს „სილქნეტის“ დირექტორთა საბჭოს წევრი და მონიტორინგისა და სტანდარტიზაციის უფროსია. 2013–2014 წლებში საქართველოს შინაგან საქმეთა სამინისტროს საფინანსო-სამეურნეო დეპარტამენტის უფროსის მოადგილე, ხოლო 2014 წლიდან 2016 წლამდე საქართველოს სოფლის მეურნეობის მინისტრია. 2016-2020 წლებში იყო საქართველოს მე-9 მოწვევის პარლამენტის წევრი (მარტვილისა და აბაშის მაჟორიტარი), საარჩევნო ბლოკი: „ქართული ოცნება — დემოკრატიული საქართველო“.
რესურსები ინტერნეტში
|
|---|
|
| |
¹ გაუქმდა 2016 წელს; ² 2017 წელს გაუქმდა ან შეერწყა სხვა სამინისტროს |
|
