سادھو سنگھ ہمدرد (سادھو سنگھ سینی) (1918 - 1984) اک مشہور آزادی دا آگز اتے پنجاب دا صحافی تے اڈیٹر سی۔ اوہ اردو اتے پنجابی دوناں بولیاں وچّ ہی پربین سی اتے نویلی قسم دا شاعر سی۔ اوہ اپنے ناں نال 'ہمدرد' تخلص لاؤندا سی۔
جیون
ہائی سکول دے طالب علم دے روپ وچّ اس نے اوس ویلے سماج نوں انقلابی موڑ دین لئی چودھری شیر جنگ دے یگ پلٹاؤُ دل وچّ سرگرم حصہ لینا شروع کر دتا سی۔ ایہہ دل ضلع ہوشیارپور دے پنڈ سرہالا خورد دے گیانی ہربنس سنگھ ولوں 1939-40 وچّ بنایا گیا سی اتے ایہہ اس دی گرفتاری اتے قید دے بعد ختم ہو گیا سی۔ پھر سادھو سنگھ شرومنی گردوارہ پربندھک کمیٹی وچّ بھرتی ہو گیا اتے اس دے پرچار ونگ دی ذمہ داری سنبھال لئی۔
1944ء چ سادھو سنگھ صحافت چ آیا ۔ اسنے روزانہ اجیت (اردو) دی اڈیٹری سمبھالی ، تے 1957 تک اس عہدے اتے رہیا ۔1955ء چ ایہہ پنجابی اجیت دا مکھ اڈیٹر وی بن گیا ۔
انعام
1963ء چ چڑھدے پنجاب دی سرکار نے شرومنی صحافی دا ٹائٹل دتا ۔
جنوری 1984ء چ بھارتی سرکار نے اسنوں پدم شری انعام دتا ، پر جون 1984ء ہرمندر صاحب اتے بھارتی فوج دے حملے دے خلاف احتجاج کردے ہوے اپنا انعام واپس کر دتا ۔
اپنے جیون چ ہی اسنے اپنی جائیداد پنجابی رہتل دی ترقی لئی اک پبلک ٹرسٹ چ بدل دتا ۔
شاعر
شاعر دے طور اتے سادھو سنگھ ہمدود نوں پنجابی غزل نوں مقبول کرن لئی یاد رکھیا جائے گا ۔ اسدے پنجابی غزلاں دے مجموعے نوں 1963ء چ چڑھدے پنجاب دی سرکار ولوں پہلا انعام دتا گیا سی ۔
