Volter Gilbert

Volter Gilbert
ing. Walter Gilbert
Doğum tarixi	21 mart 1932(1932-03-21)[1][2]^[…] (92 yaş)
Doğum yeri	Boston, Saffolk dairəsi^[d], Massaçusets, ABŞ
Elm sahələri	biokimya, fizika
Elmi dərəcəsi	fəlsəfə doktoru
İş yerləri	Harvard Universiteti, Kembric Universiteti
Təhsili	Harvard Universiteti, Triniti Kolleci, Kembric Universiteti[3]
Elmi rəhbəri	Əbdus Salam
Üzvlüyü	London Kral Cəmiyyəti, ABŞ Milli Elmlər Akademiyası[4], Amerika İncəsənət və Elmlər Akademiyası
Mükafatları
Vikianbarda əlaqəli mediafayllar

Volter Gilbert(ing. Walter Gilbert; doğ. 21 mart 1932, Boston, ABŞ) — amerika fiziki, biokimyaçısı.

Həyatı

Amerika biokimyaçısı Volter Hilbert 1932-ci ilin martın 21-də Bostonda anadan olmuşdur. 1953-cü ildə Harvard universitetini bitirmişdir. 1953-1957-ci illərdə İngiltərədə Kembric universitetində işləmişdir (1957-ci ildə müdafiə edərək fəlsəfə doktoru olmuşdur). 1957-ci ildə Harvard universitetində işləyir (1968-ci ildən professor).

Volter Gilbertin elmi işləri biokimyaya və molekulyar biologiyaya aiddir. Laktoz geninin (operon) aktivliyini idarə edən birinci tənzimləyici zülalın ayrılması, zülalların və DNT-nin spesifik qarşılıqlı təsir mexanizminin öyrənilməsi, bir sıra DNT-lərin birinci quruluşlarının müəyyən edilməsi, insulin sələfi genin klonlaşması və bu zülalın bakterial hüceyrədə sintezi üzrə əsas tədqiqatları həyata keçirmişdir. A. Mekşem ilə birlikdə 1973-cü ildə dezoksiribonukleazanın köməyi ilə bağırsaq çöpləri DNT-sini parçalamış və müəyyən sahəni (lak-operator) ayırmışdır. Bu, ikizəncirli fraqment olub əsasların 25 komplementar cütlərindən ibarətdir.

Volter Gilbert 1977-ci ildə A. Mekşem ilə birlikdə DNT-nin birli strukturunun açılmasının uğurlu üsullarından birini təklif etmişdir.

Volter Gilbert 1980-ci ildə “Nuklein turşularının birinci quruluşunun müəyyən edilməsi sahəsində tədqiqatlara görə” kimya üzrə Nobel mükafatına layiq görülmüşdür.

İstinadlar

1. Walter Gilbert // Encyclopædia Britannica (ing.).
2. Walter Gilbert // Brockhauz Ensiklopediyası (alm.).
3. Mathematics Genealogy Project (ing.). 1997.
4. NNDB (ing.). 2002.

Həmçinin bax

• Nobel mükafatı

Xarici keçidlər