Крушје (Велешко)

Крушје
Поглед на Крушје
Крушје Местоположба на Крушје во Македонија Крушје на карта
Координати 41°52′40″N 21°45′59″E
Регион	Вардарски
Општина	Велес
Население	0 жит. (поп. 2021)[1]
Шифра на КО	29035
Крушје на општинската карта Атарот на Крушје во рамките на општината
Крушје на Ризницата

Крушје — напуштено село во крајниот североисточен дел на Општина Велес во околината на градот Велес во сливното подрачје на реката Отовица.

Географија и местоположба

Селото е ридско на надморска висошина од 300 метри и се наоѓа 13 километри северно од Велес и на 31 километар југоисточно од Скопје.

Историја

Во XIX век, селото е дел од нахијата Чаирско Поле (Блатија) во Скопската каза во Отоманското Царство.

Население

Население во минатото

Година Нас. ±% 1948 238 —     1953 262 +10.1% 1961 270 +3.1% 1971 126 −53.3% 1981 65 −48.4%	Година Нас. ±% 1991 14 −78.5% 1994 9 −35.7% 2002 1 −88.9% 2021 0 −100.0%

Според опширните османлиски дефтери за населението на Скопската Каза од 1832/33 година, селото било муслиманско, со 28 муслимански домаќинства. На овој попис биле забележани 54 мажи муслимани, со 12 новороденчиња. Се проценува дека селото во тој период имало 132 жители.^[2]

Стефан Верковиќ во 1857 го бележи со 616 жители.^[3]

Според пописот од 2002 година, селото имало само 1 жител, Турчин.^[4]

Според последниот попис од 2021 година, во селото Крушје немало жители.

На табелата е прикажан националниот состав на населението низ сите пописни години:^[5]

Година	Македонци	Албанци	Турци	Роми	Власи	Срби	Бошњаци	Ост.	б.п.	Вкупно
1948	—	—	—	—	—	—	—	—	—	238
1953	—	—	262	—	—	—	...	—	—	262
1961	—	138	94	...	...	1	...	37	—	270
1971	—	72	22	—	...	—	...	32	—	126
1981	—	11	37	—	—	—	...	17	—	65
1991	—	—	14	—	—	—	...	—	—	14
1994	—	—	1	—	—	—	...	8	—	9
2002	—	—	1	—	—	—	—	—	—	1
2021	—	—	—	—	—	—	—	—	—	—

Родови

Крушје било турско село.

Според истражувањата од 1952 година, родови во селото се:^[6]

Турски

• Родови од словенско потекло: Смаколар (3 к.), Таракчилар (2 к.), Одолар (1 к.), Мемишлер (1 к.), Бајрамлар (2 к.), Мрлелер (2 к.), Иљазлар (2 к.), Узун-Али (2 к.), Алиманлар (2 к.) и Беќиралар (1 к.) сите овие родови се доселени од селото Брод во Гора. Во родот Смаколар се знае следното родословие: Фазли (жив на 60 г. во 1952 година) Ибраим-Усеин-Арслан-Исмаил, кој се доселил во селото; Торбешлар (5 к.) доселени се во 1915 година од селото Броштица во Дебарско. Кога се доселиле збореле македонски; Муса-Зеќир (3 к.) доселени се во 1915 година од селото Мелница. И они кога се доселиле збореле македонски; Жителите на селото највеќе брачни врски одржувале со Турците од Средно и Долно Коњари.
• Родови од турско потекло: Оџалар (4 к.) доселени се во 1925 година од селото Средно Коњари. Таму имале роднини наречени Имерлер; Каранџа (1 к.), Мула-Имер (1 к.) и Иплер (1 к.) и они се доселени од селото Средно Коњари.

Ромски

• Доселеници: Неџолар (3 к.) зборуваат ромски. Жителите на овој род се ковачи. Доселени се од селото Средно Коњари.

Избирачко место

Селото е опфатено избирачкото место бр. 2189 според Државната изборна комисија, сместени во просториите на објект во сопственос на ордевски никола на селото Џидимирци.^[7]

На претседателските избори во 2019 година, на ова избирачко место биле запишани вкупно 26 гласачи.^[8]

Иселеништво

До 1952 година од селото во Турција се иселиле околу 40 семејство. Иселувањето продолжило и потоа. Во 1958 година во селото се населиле Бошњаци од Санџак. Но и тие се иселиле од селото.^[6]

Наводи

1. „Пописна слика на населените места во Македонија, Попис 2021“. Државен завод за статистика. Посетено на 22 декември 2022.
2. Османлиски документи за историјата на Македонија - пописи од XIX век на христијанското население - Скопски Санџак, каза Скопје. Скопје: д-р Емил Крстески. 2021.
3. Верковиќ, Стефан (1889). Топографическо-этнографическій очеркъ Македоніи. Санкт Петербург.
4. Попис на населението, домаќинствата и становите во Република Македонија, 2002 - Книга X
5. Население на Република Македонија според изјаснувањето за етничката припадност, по населени места, според пописите на население 1948, 1953, 1961, 1971, 1981, 1991, 1994 и 2002 година (согласно територијалната организација од 1996 година). База на податоци МАКСтат Архивирано на 10 декември 2021 г.. Државен завод за статистика.
6. Трифуноски, Јован (1964). Сеоска насеља Скопске котлине - развитак села, порекло становништво и привредне одлике. Скопје.
7. „Описи на ИМ“. Архивирано од изворникот на 2023-08-17. Посетено на 3 ноември 2019.
8. „Претседателски избори 2019“. Архивирано од изворникот на 2019-12-29. Посетено на 3 ноември 2019.

Надворешни врски

• Крушје (Велешко) на Ризницата