Беларуская Рада Культуры

Беларуская Рада Культуры
Краіна	Беларусь
Тып арганізацыі	грамадская арганізацыя
Заснаванне
Дата заснавання	2020
byculture.org

Беларуская Рада Культуры — аб’яднанне дзеячаў культуры для падтрымкі актуальнай творчых праектаў і спрыянню зменаў у грамадстве праз культуру. Створаная ўвосень 2020 года, выступае супраць узурпацыі ўлады ў Беларусі.

Гісторыя

У кастрычніку 2020 года быў створаны Беларускі фонд культурнай салідарнасці з мэтай аказання падтрымкі прадстаўнікам беларускай культурнай супольнасці ва ўмовах палітычнага крызісу ў Беларусі пасля фальсіфікацыі прэзідэнцкіх выбараў 2020 года і пачатку масавых пратэстаў. У лютым 2021 года ў сувязі з пашырэннем дзейнасці, акрамя дапамогі арганізацыя пачала займацца працэсамі падрыхтоўкі рэформаў, фонд змяніў назву на Беларуская Рада Культуры^[1].

7 чэрвеня 2022 года Міністэрства ўнутраных спраў Беларусі прызнала Беларускую Раду Культуры «экстрэмісцкім фарміраваннем»^[2].

У 2024 годзе некалькім людзям вынеслі прысуд за ахвяраванні Беларускай Радзе Культуры^[3][4], у тым ліку за зробленыя да прызнання яе экстрэмісцкім фарміраваннем^[5].

Кіраванне

У склад Рады ўваходзяць 9 дзеячаў культуры.

• Кіраўнік — Сяргей Будкін
• Выканаўчы дырэктар — Аляксандр Чахоўскі
• Стратэгічнае развіццё — Мікалай Халезін

Зноскі

1. Фонд культурнай салідарнасці стане Беларускай радай культуры
2. Беларускую раду культуры прызналі «экстрэмісцкім фармаваньнем» (бел. (тар.))  (нявызн.) ?. Беларуская служба Радыё «Свабода» (7 чэрвеня 2022).
3. 50-гадовага жыхара Мінскага раёна прысудзілі да пяці гадоў калоніі за данаты праваабарончым ініцыятывам і палітвязням (нявызн.). Наша Ніва (26 кастрычніка 2024).
4. Вось за што бізнэсоўцу Сяргею Юнчыцу прысудзілі пяць гадоў калоніі і 20 тысяч рублёў штрафу (нявызн.). Наша Ніва (26 кастрычніка 2024).
5. Зорку "Што? Дзе? Калі?" Фёдара Шведава асудзілі да 3,5 гадоў "хіміі" (нявызн.). Праваабарончы цэнтр «Вясна» (19 красавіка 2024).

Спасылкі

• Беларуская рада культуры аказала падтрымку звыш 600 артыстам